കോതമംഗലം: കോട്ടപ്പടി, പിണ്ടിമന പഞ്ചായത്തുകളില് ജനവാസമേഖലയിലും സ്കൂള് പരിസരങ്ങളിലും ഇറങ്ങി ജനങ്ങളില് ഭീതി പരത്തിയ കാട്ടാന ചെരിഞ്ഞത് ‘സെപ്റ്റിസീമിയ’ എന്ന അണുബാധ മൂലമാണെന്ന് പോസ്റ്റ്മോര്ട്ടം റിപ്പോര്ട്ട്. ജൂണ് 5 മുതല് പ്രദേശത്ത് ആശങ്ക പരത്തിയ ആനയെ നിരീക്ഷിച്ച വിദഗ്ധസംഘം ആന ശാരീരികമായി അവശതയിലാണെന്നു, അടിയന്തര ചികിത്സയും സംരക്ഷണവും ആവശ്യമാണെന്നും കണ്ടെത്തിയിരുന്നു. ഇതിന്റെ അടിസ്ഥാനത്തില് നിയമസഭയില് സ്പീക്കര് വനംവകുപ്പ് മന്ത്രിയോട് വിഷത്തില് അടിയന്തരമായി ഇടപെടാന് ആവശ്യപ്പെടുകയും ചെയ്തിരുന്നു.
ജനങ്ങളുടെ സുരക്ഷിതത്വം ഉറപ്പാക്കാന് വനംവകുപ്പ് മന്ത്രി ഷിബു ബേബി ജോണും, ഷിബു തെക്കുംപുറം എംഎല്എയും ഇടപെട്ട് ജൂണ് 25-ന് ആനയെ മയക്കുവെടി വെച്ച് ജിപിഎസ് റേഡിയോ കോളര് ഘടിപ്പിക്കുകയും, കഴിഞ്ഞ ജിവസം ആന ചെരിയുകയുമായിരുന്നു. തുടര്ന്ന് നടത്തിയ പോസ്റ്റ്മോര്ട്ടത്തിലാണ് ആന ചെരിഞ്ഞത് അണുബാധയേറ്റാണെന്ന് കണ്ടെത്തിയത്.
