കോതമംഗലം: മഴക്കൊപ്പമുണ്ടായ കാറ്റില് കുട്ടമ്പുഴ പഞ്ചായത്തില് 10.5 ലക്ഷം രൂപയുടെ കൃഷി നാശം. ബുധനാഴ്ച വൈകിട്ടുണ്ടായ ശക്തമായ കാറ്റില് റബര് കൃഷിക്കാണ് കനത്ത നാശം ഉണ്ടായത്. പഞ്ചായത്തില് ഏകദേശം 600 റബര് മരങ്ങള് കാറ്റില് നിലം പൊത്തി. കുലക്കാറായ 300 വാഴകള്, കുലച്ച 100 വാഴകള്, 100 കൊക്കോ മരങ്ങള്, 40 തെങ്ങ്, 40 കമുക്, 30 കുരുമുളക്, 30 കശുമാവ്, എന്നിവയ്ക്കാണ് നാശനഷ്ടം ഉണ്ടായിട്ടുള്ളത്.
ഏകദേശം 10,28,500/ രൂപയുടെ നഷ്ടമാണ് പ്രാഥമികമായി കണക്കാക്കിയിട്ടുള്ളതെന്ന് കൃഷി അസിസ്റ്റന്റ് ഡയറക്ടര് പ്രിയമോള് തോമസ് പറഞ്ഞു.പൂയംകുട്ടിയില് വെട്ടിയാങ്കല് വി.കെ ബേബി ,വെട്ടിയാങ്കല് സോഫി ബേബി എന്നീ കര്ഷകരുടെ 300 ലധികം റബര് മരങ്ങളാണ് കാറ്റില് ഒടിഞ്ഞത് നശിച്ചത്.
