കോതമംഗലം: രോഗികളുടെ വേദനയില്‍ പങ്കുചേരുകയും പ്രതിസന്ധിഘട്ടങ്ങളില്‍ സഹായഹസ്തം നീട്ടുകയും ചെയ്യുന്നത് സമൂഹത്തിന്റെ വലിയ ഉത്തരവാദിത്വമാണെന്ന് മാര്‍ ജോര്‍ജ് മഠത്തികണ്ടത്തില്‍. എംഎല്‍എ ഓഫീസില്‍ നടന്ന ചടങ്ങില്‍ കോതമംഗലം മണ്ഡലത്തില്‍ ഷിബു തെക്കുംപുറം എംഎല്‍എയുടെ നേതൃത്വത്തില്‍ ആവിഷ്‌കരിച്ച കാരുണ്യ സ്പര്‍ശം ചികിത്സാ സഹായ പദ്ധതി ഉദ്ഘാടനം ചെയ്യുകയായിരുന്നു ബിഷപ്പ്.സര്‍ക്കാര്‍ ചീഫ് വിപ്പ് അപു ജോണ്‍ ജോസഫ് ഡയാലിസിസ് കൂപ്പണുകളുടെ വിതരണോദ്ഘാടനം നിര്‍വഹിച്ചു. ഷിബു തെക്കുംപുറം എംഎല്‍എ അധ്യക്ഷത വഹിച്ചു.
അര്‍ഹരായ ഒരാളുടെപോലും ചികിത്സ സാമ്പത്തിക ബുദ്ധിമുട്ട് കാരണം മുടങ്ങരുതെന്ന ലക്ഷ്യത്തോടെയാണ് പദ്ധതിക്ക് രൂപം നല്‍കിയതെന്ന് എംഎല്‍എ പറഞ്ഞു. ജനകീയ പങ്കാളിത്തത്തിലൂടെ ചികിത്സാ സഹായം കൂടുതല്‍ പേരിലേക്ക് എത്തിക്കുമെന്നും എംഎല്‍എ വ്യക്തമാക്കി. ഫാ. ഡോ. മാത്യു കൊച്ചുപുരയ്ക്കല്‍, ഫാ. ജോയ് മാറാച്ചേരി, ഫാ. സിബി ഇടപ്പുളവന്‍, ഫാ. ജോസ് ചിരപ്പറമ്പില്‍ കവളങ്ങാട് ബ്ലോക്ക് പഞ്ചായത്ത് ആസൂത്രണ സമിതി ഉപാധ്യക്ഷന്‍ ബാബു ഏലിയാസ് , നഗരസഭാ ചെയര്‍പേഴ്‌സണ്‍ ഭാനുമതി രാജു, ബ്ലോക്ക് പഞ്ചായത്ത് പ്രസിഡന്റ് ജെസ്സി സാജു, നഗരസഭാ വൈസ് ചെയര്‍മാന്‍ പ്രിന്‍സ് വര്‍ക്കി, ബ്ലോക്ക് പഞ്ചായത്ത് വൈസ് പ്രസിഡന്റ് ബിജോയ് ജോസഫ്, പഞ്ചായത്ത് പ്രസിഡന്റുമാരായ പി.കെ. മൊയ്തു, കെ.പി. ജോര്‍ജ്കുട്ടി, ഉമേഷ് ശിവകുമാര്‍, മേരി കുര്യാക്കോസ്, ബിന്ദു ജോര്‍ജ്, സംഗീത പ്രതീഷ്, റീന ജോഷി, ജില്ലാ പഞ്ചായത്ത് അംഗങ്ങളായ പി.എ.എം. ബഷീര്‍, ജോമി തെക്കേക്കര, സൗമ്യ ശശി, ബ്ലോക്ക് പഞ്ചായത്ത് അംഗങ്ങളായ പി.എം. സിദ്ധിക്ക്, ചിഞ്ചു എബ്രഹാം, പ്രിയങ്ക ടോമി, നഗരസഭാ കൗണ്‍സിലര്‍മാര്‍, വിവിധ തദ്ദേശസ്ഥാപനങ്ങളിലെ ജനപ്രതിനിധികള്‍, എ . ജി ജോര്‍ജ്ജ്, കെ.പി ബാബു, ഷമീര്‍ പനക്കന്‍, എം.എസ് എല്‍ദോസ്, എ . ടി പൗലോസ്, മാത്യു ജോസഫ്, പ്രൊഫ. കെ.എം കുര്യാക്കോസ് എന്നിവര്‍ പ്രസംഗിച്ചു.
എംഎല്‍എ ഫണ്ടും വിവിധ സ്ഥാപനങ്ങളുടെയും വ്യക്തികളുടെയും സഹകരണവും കോര്‍പ്പറേറ്റ് സോഷ്യല്‍ റെസ്‌പോണ്‍സിബിലിറ്റി (സിഎസ്ആര്‍) ഫണ്ടുകളും ഏകോപിപ്പിച്ച് കോതമംഗലം മണ്ഡലത്തില്‍ പ്രതിവര്‍ഷം ഒരു കോടി രൂപയുടെ ചികിത്സാ സഹായം ലഭ്യമാക്കുകയാണ് പദ്ധതിയുടെ ലക്ഷ്യം.വൃക്കരോഗികള്‍ക്ക് പ്രതിമാസം രണ്ട് ഡയാലിസിസ് കൂപ്പണുകള്‍ വീതം സൗജന്യമായി നല്‍കും. ഡയാലിസിസിന് പുറമെ മറ്റ് ഗുരുതര രോഗങ്ങള്‍ക്ക് ചികിത്സ തേടുന്ന അര്‍ഹരായ നിര്‍ധന രോഗികള്‍ക്ക് 25,000 രൂപ വരെ ധനസഹായവും ലഭ്യമാക്കും.
