പെരുമ്പാവൂര്‍:ആലുവ-മൂന്നാര്‍ റോഡില്‍ വാഴക്കുളത്തിന് സമീപം എംഇഎസ് ജംഗ്ഷനില്‍ സ്വകാര്യ ബസും ടൂറിസ്റ്റ് ബസും കൂട്ടിയിടിച്ച് 32 പേര്‍ക്ക് പരിക്ക്. ബുധനാഴ്ച വൈകിട്ട് ആലുവയില്‍ നിന്ന് കോതമംഗലത്തേക്ക് പോയ സ്വകാര്യബസും വിനോദയാത്രയ്ക്ക് ശേഷം കുട്ടമ്പുഴയില്‍ നിന്ന് മടങ്ങുകയായിരുന്ന പനങ്ങാട് നിന്നുള്ള സംഘം സഞ്ചരിച്ച ടൂറിസ്റ്റ് ബസുമാണ് കൂട്ടിയിടിച്ചത്. പരിക്കേറ്റ 32 പേര്‍ ആലുവ രാജഗിരി ആശുപത്രിയില്‍ ചികിത്സ തേടി.
ഇതില്‍ ഒരാള്‍ക്ക് ഗുരുതര പരിക്കുണ്ട്. തലയ്ക്കും നട്ടെല്ലിനും പരിക്കേറ്റ പി.ആര്‍ ദീപ (48) തീവ്രപരിചരണ വിഭാഗത്തിലാണ്. 20 പേര്‍ക്ക് നിസാര പരിക്കേറ്റു. സ്വകാര്യ ബസ് യാത്രക്കാരാണ് പരിക്കേറ്റവരില്‍ ഭൂരിഭാഗവും. കൂടുതല്‍ പേര്‍ക്കും മുഖത്താണ് പരിക്ക്.
റംല ബഷീര്‍ (54), ആശാ ജോയ് (32), യദുകൃഷ്ണ (22), ഫാത്തിമ അഷ്‌റഫ് (17), തെരേസ (23), ഫാമിയ (17), ഐമന്‍ (3), മുഹമ്മദ് ഷരീഫുള്‍ (51), അനു (35), നന്ദന (20), ദേവന സുകു (15), അബ്ദുള്‍ റാവു (49), കണ്ണന്‍ (60), ദേവദര്‍ശ് (2), എ.പി ദേവിക (8), അഫ്‌നിത (25), അലീഷ അഷ്‌റഫ് (35), ആതിര (29), ഋഷി രാജ് (36), ലിസ ജോസ് (57), ഫാത്തിമ മന്‍സൂര്‍ (16), ഷീല അജയന്‍ (55), കെ.എം ബഷീര്‍ (60), അഫ്താറുല്‍ (26), ടി ടിന്റു (42), തസ്‌നി (36), സൂസി (48), വിജേഷ് കുമാര്‍ (40), കെ.സി തേവന്‍ (71), തങ്കമണി (66), ഫിറോസാ ബീഗം (40) എന്നിവര്‍ക്കാണ് പരിക്കേറ്റത്.
