കോതമംഗലം :- വനവിഭവങ്ങൾ ശേഖരിക്കാൻ വനത്തിൽ പോയ യുവാവ് മരത്തിൽ നിന്ന് വീണ് മരിച്ചു. ഇന്ന് വൈകിട്ട് ഉരുളൻതണ്ണി വനത്തിലാണ് സംഭവം. കുട്ടമ്പുഴ പഞ്ചായത്തിലെ പിണവൂർകുടി ആദിവാസി കോളനിയിലെ സോമൻ (35) ആണ് മരിച്ചത്. അഞ്ചംഗ സംഘത്തോടൊപ്പം പത്രിപ്പൂ ശേഖരിക്കുന്നതിനിടയിലാണ് അപകടം സംഭവിച്ചത്. ഉടനെ ഒപ്പമുണ്ടായിരുന്നവർ കിലോമീറ്ററുകളോളം ചുമന്ന് സോമനെ ഉരുളൻതണ്ണിയിലെത്തിക്കുകയായിരുന്നു. രാത്രി എട്ടേമുക്കാലോടെ ആംബുലൻസിൽ കോതമംഗലം താലൂക്ക് ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.
🌀കോതമംഗലം വാർത്ത ẇһѧṭṡѧƿƿıʟ ലഭിക്കുവാൻ താഴെ കാണുന്ന ലിങ്കിൽ ക്ലിക്ക് ചെയ്യുക👇
