കുട്ടമ്പുഴ: കുട്ടമ്പുഴ പഞ്ചായത്ത് കൃഷിഭവന്റെ നേതൃത്വത്തില്‍ ഞാറ്റുവേല ചന്തയുടേയും കര്‍ഷക സഭയുടെയും ഉദ്ഘാടനം നടത്തി. പഞ്ചായത്ത് പ്രസിഡന്റ് മേരി കുര്യാക്കോസ് ഉദ്ഘാടനം നിര്‍വ്വഹിച്ചു.പഞ്ചായത്ത് സ്ഥിരം സമിതി ചെയര്‍ പേഴ്‌സണ്‍ കാന്തി വെള്ളക്കയ്യന്‍ അധ്യക്ഷത വഹിച്ചു. ഓണത്തിനൊരുക്കാം വിളവിന്റെ വിസ്മയം പദ്ധതിയുടെ ഭാഗമായുളള പച്ചക്കറി വിത്തുകളും, കുരുമുളക് വള്ളികളും തെങ്ങിന്‍ തൈകളും വിതരണം ചെയ്തു.
കിസാന്‍ ക്രെഡിറ്റ് കാര്‍ഡ് സംബന്ധിച്ച് യൂണിയന്‍ ബാങ്ക് കുട്ടമ്പുഴ ബ്രാഞ്ച് മാനേജര്‍ എം. എല്‍ദോസ് ക്ലാസുകള്‍ നയിച്ചു. ബ്ലോക്ക് പഞ്ചായത്ത് അംഗം ചിഞ്ചു ബിബി, പഞ്ചായത്ത് അംഗങ്ങളായ ലിസി സൈമണ്‍, ബിന്ദു രാജേന്ദ്രന്‍, അരുണിമ വിനീഷ്, സനോജ് ഗോപാലന്‍, ശ്രീജിത്ത് ശിവന്‍, പഞ്ചായത്ത് മുന്‍ സ്ഥിരം സമിതി ചെയര്‍മാന്‍ കെ.എ സിബി, കൃഷി ഓഫീസര്‍ എം.എച്ച് ജെസീന, അസിസ്റ്റന്റ് കൃഷി ഓഫീസര്‍മാരായ കെ.സി സാജു, എം.എം ഷെമി എന്നിവര്‍ പങ്കെടുത്തു.
