കോതമംഗലം:തങ്കളം- കാക്കനാട് നാലുവരിപ്പാത നടപ്പാക്കാൻ നടപടി ആരംഭിച്ചതായി ഷിബു തെക്കുംപുറം എംഎൽഎ പറഞ്ഞു. കേരളാ കോൺഗ്രസ് കോതമംഗലം നിയോജക മണ്ഡലം നേതൃയോഗം ഉദ്ഘാടനം ചെയ്ത് പ്രസംഗിക്കുകയായിരുന്നു എംഎൽഎ. ആദ്യ അലൈമെൻ്റ് തന്നെ നടപ്പാക്കാൻ ജനപ്രതിനിധികളുടെയും ഉദ്യോഗസ്ഥരുടെയും സംയുക്ത പരിശോധന നടത്തും.
കേരള കോൺഗ്രസ് മെംബർഷിപ്പ് ക്യാമ്പ യിൻ ഒക്ടോബറിൽ ആരംഭിക്കും.അതിന് മുന്നോടിയായി ദ്വിദിന ക്യാമ്പ് സംഘടിപ്പിക്കും.ക്യാമ്പിൽ നിയോജക മണ്ഡലത്തിൽ ഓരോ പ്രദേശത്തിനും അനുയോജ്യമായ പദ്ധതികൾ അവതരിപ്പിക്കും. നിയോജക മണ്ഡലം പ്രസിഡൻ്റ് എ.റ്റി.പൗലോസ് അധ്യക്ഷത വഹിച്ചു .
സംസ്ഥാന ജനറൽ സെക്രട്ടറി മാരായ ജോമി തെക്കേക്കര, റോയി സ്കറിയ,സി. കെ.സത്യൻ,റാണിക്കുട്ടി ജോർജ്,നേതാക്കളായ ജോർജ് അമ്പാട്ട്, ബിജു വെട്ടിക്കുഴ, ആൻ്റണി ഒലിയപുറം, ജോജി സ്കറിയ,സൗമ്യ ശശി , കെ.എം.എൽദോസ്, കെ. എം.ആൻ്റണി ,ജനീഷ് കെ.ജോർജ്, സജി തെക്കേക്കര, ജയിംസ് കോറമ്പേൽ ,ജോണി പുളിന്തടം, എൽദോസ് വർഗീസ് ,ലിസി പോൾ,ബിനോയി ജോസഫ്,മാമച്ചൻ സ്കറിയ, തുടങ്ങിയവർ പ്രസംഗിച്ചു.
