കോതമംഗലം : വിദ്യാർത്ഥികൾ ഡിസിഎൽൻ്റെ പഞ്ചശീലങ്ങളിൽ വളരണമെന്ന് ഷിബു തെക്കുംപുറം എംഎൽഎ. ദീപക ബാലസഖ്യം കോതമംഗലം മേഖല പ്രവർത്തനവർഷം സെൻ്റ് അഗസ്റ്റ്യൻസ് ഹയർസെക്കൻ്റി സ്‌കൂളിൽ ഉദ്ഘാടനം ചെയ്യുകയായിരുന്നു എംഎൽഎ. ഈശ്വരഭക്തി, സാഹോദര്യം ക്യത്യനിഷ്‌ഠ, അച്ചടക്കം, സേവന തൽപരത എന്നീ ദീപക ബാലസഖ്യത്തിൻ്റെ പഞ്ചശീലങ്ങളിൽ വളരുന്നകുട്ടികൾ സമൂഹത്തിൻ്റെ മുതൽക്കൂട്ടാണെന്നും എംഎൽഎ പറഞ്ഞു.
എല്ലാ ദിവസവും കുട്ടികൾ പത്രം വായിക്കണം അതോടൊപ്പം മാസത്തിൽ ഒരു പുസ്തകമെങ്കിലും വായിക്കുന്ന ശീലം ഉണ്ടാക്കണം. പത്ര മുത്തശി ദീപകയും ദീപക ബാലസഖ്യവും നടത്തുന്ന സാമൂഹ്യ തിൻമകൾക്കെതിരെയുള്ള പോരാട്ടത്തിലും പങ്കാളികളായി എല്ലാവരും ലക്ഷ്യബോധ മുള്ളവരായി വളർന്ന് നല്ല സമൂഹത്തിൻ്റെ ഭാഗമാകണമെന്നും എംഎൽഎ പറഞ്ഞു.
ഡിസിൽ കോതമംഗലം മേഖല പ്രസിഡൻ്റും ഡിഎഫ്സി രൂപത രൂപത ഡയറക്ടർ ഫാ. ഡോ. ആൻ്റണി പുത്തൻകുളം,ഡിസിൽ സ്റ്റേറ്റ് പി. ആർ.ഒ ഫാ പോൾ മണവാളൻ, മുൻസിപ്പൽ ചെയർപേഴ്സൺ ഭാനുമതി രാജു, സ്‌കൂൾ മാനേജരും സിഎംസി പ്രൊവിൻഷ്യൽ സുപ്പീരിയറുമായ സിസ്റ്റർ മെറീന, സ്‌കൂൾ ഹെഡ്‌മിസ്‌ട്രസ് സിസ്റ്റർ റിനി മരിയ, ഡിസിഎൽ എറണാകുളം പ്രവശ്യ സെക്രട്ടറി ജെയ്നി സാംരാജ്, കോതമംഗല മേഖല ഓർഗനൈസർ വിൻസെൻ്റ് ജോസഫ്, പിറ്റിഎ വൈസ് പ്രസിഡൻ്റ് സോണി പാമ്പക്കൽ, പി. ജെ തോമസ്, പി.എ ദേവസി എന്നിവർ പ്രസംഗിച്ചു.
