കുട്ടമ്പുഴ വനാന്തരത്തിൽ കടുവയുടെയും ആനയുടെയും ജഡം കണ്ടെത്തി; പരിശോധനക്കായി വനം വകുപ്പിലെ ഉന്നത സംഘം പുറപ്പെട്ടു.

കുട്ടമ്പുഴ : കുട്ടമ്പുഴ വാരിയം ആദിവാസി കോളനിക്ക് സമീപം കടുവയുടെയും ആനയുടെയും ജഡം കണ്ടെത്തിയ സ്ഥലത്തേക്ക് വനം വകുപ്പിലെ ഉന്നത സംഘം യാത്രതിരിച്ചു. കുട്ടമ്പുഴ പഞ്ചായത്തിലെ ഇടമലയാർ ഫോറസ്റ്റ് റേഞ്ചിൽപ്പെട്ട വാരിയം ആദിവാസി കോളനിക്ക് സമീപം വനത്തിലാണ് കടുവയെയും, ആനയേയും ചത്ത നിലയിൽ കണ്ടെന്ന വിവരം ലഭിച്ചത്. കുട്ടമ്പുഴ ബ്ലാവനകടവിൽ നിന്ന് ജങ്കാറിൽ പുഴ വട്ടം കടന്ന് ജീപ്പിൽ 20-ഓളം കിലോമീറ്റർ ദുർഘട കാട്ടുപാതയിലൂടെ സഞ്ചരിച്ച് വേണം വാരിയത്ത് എത്താൻ. ഇവിടെ നിന്ന് 5 കിലോമീറ്റർ മാറി വനത്തിലാണ് മൃഗങ്ങളുടെ ജഡം കിടക്കുന്നതെന്നാണ് വിവരം.

ദിവസങളുടെ പഴക്കമുള്ള മൃതദേഹങൾ വനം വകുപ്പിലെ ഉന്നത ഉദ്യോഗസ്ഥരുടെ സാന്നിദ്ധ്യത്തിൽ പോസ്റ്റ്മോർട്ടം ചെയ്യും. മലയാറ്റൂർ DFO യുടെ നേതൃത്വത്തിലുള്ള സംഘമാണ് കാട്ടിലേക്ക് യാത്ര തിരിച്ചിരിക്കുന്നത്. പോസ്റ്റ്മോർട്ടം റിപ്പോർട്ട് ലഭിച്ചാലേ കടുവയുടെയും, ആനയുടെയും മരണകാരണം വ്യക്തമാകൂ.

മൊബൈലിൽ വാർത്തകൾ ലഭിക്കുവാൻ.. Please Join..