Connect with us

Hi, what are you looking for?

NEWS

ഒറ്റയാന്റെ ചവിട്ടേറ്റ് കാൽ തകർന്നു; ജീവിക്കാനും ചികിത്സാ ചെലവുകൾക്കുമായി ബുദ്ധിമുട്ടി ഫയർ വാച്ചർ.

കുട്ടമ്പുഴ: കാട്ടാനയുടെ ചവിട്ടേറ്റ് ജീവൻ തിരിച്ചു കിട്ടിയ ആദിവാസി യുവാവ് ചികിൽസയ്ക്ക് ബുദ്ധിമുട്ടുന്നു. പിണവൂർകുടി മണ്ണാത്തിപ്പാറയ്ക്കൽ ബാലകൃഷ്ണനാണ് കാട്ടാനയുടെ കാൽകീഴിൽ നിന്നും രക്ഷപെട്ട് വീട്ടിൽ ഇരിപ്പായത്. വനം വകുപ്പിൽ താൽക്കാലിക ഫയർ വാച്ചറായി ജോലിനോക്കുന്നതിനിടയിലായിരുന്നു കഴിഞ്ഞ മാർച്ചിൽ അപകടം. സംഭവത്തിനു ശേഷം വനം വകുപ്പ് യാതൊരു സഹായവും ചെയ്തിട്ടില്ല. വനത്തിലുണ്ടായ കാട്ടുതീ അണച്ച ശേഷം വീട്ടിലേക്കു വരുന്നതിനിടെ പിണവൂർ കുടി വേലപ്പൻ വളവിൽ വച്ചായിരുന്നു ഒറ്റയാൻ ആക്രമിച്ചത് . പ്രമോട്ടർ അജിതയുടെ നേതൃത്വത്തിൽ ആശുപത്രിയിലെത്തിക്കുകയായിരുന്നു. വലതു കാൽ ആനയുടെ ചവിട്ടേറ്റ് ഒടിഞ്ഞു. ശരീരത്തിന്റെ മിക്ക ഭാഗത്തും പരിക്കേറ്റു.

കോട്ടയം മെഡിക്കൽ കോളേജിലെ ചികിൽസയിലാണിപ്പോഴും. ചികിൽസാ സഹായം ആവശ്യപ്പെട്ട് മൂന്നാർ ഡി.എഫ്. ഓയ്ക്ക് അപേക്ഷ നൽകിയെങ്കിലും ഫലമുണ്ടായില്ല. ഓപ്പറേഷൻ നടത്തി വലതു കാലിൽ കമ്പി ഇട്ടിട്ടുള്ളതിനാൽ ഇരിക്കാനും, നടക്കാനും ബുദ്ധിമുട്ടുണ്ട്.കാട്ടാന ശല്യം രൂക്ഷമായ പിണവൂർ കുടിയിൽ പരിഹാരമായി വനം വകുപ്പ് ഒന്നും ചെയ്തിട്ടില്ല. രണ്ടു ലക്ഷം രൂപ നഷ്ടപരിഹാരമാണ് ബാലകൃഷ്ണൻ ആവശ്യപ്പെടുന്നത്. ഉണ്ടായിരുന്ന പണിയും പോയി നിത്യവൃത്തിക്ക് വകയില്ലാതെ കഷ്ടപെടുകയാണ് ബാലകൃഷ്ണന്റെ കുടുംബം

You May Also Like

NEWS

കോതമംഗലം : കഴിഞ്ഞ ദിവസങ്ങളിൽ മാമലക്കണ്ടത്ത് കടുവയുടെ സാന്നിധ്യം കണ്ട പ്രദേശങ്ങളിൽ കൂടുതൽ നിരീക്ഷണ ക്യാമറകൾ സ്ഥാപിക്കുന്നതിനും തുടർച്ചയിൽ കൂട് സ്ഥാപിക്കാനും തീരുമാനം. മാമലക്കണ്ടത്ത് താലിപ്പാറ, ചാമപ്പാറ, കാര്യാട് എന്നീ പ്രദേശങ്ങളിലാണ് കഴിഞ്ഞ...

CHUTTUVATTOM

കുട്ടമ്പുഴ: താളുംകണ്ടം ആട് ഗ്രാമം പദ്ധതി നടപ്പാക്കി. കുട്ടമ്പുഴ ഗ്രാമപഞ്ചായത്ത് 2023 24 വാർഷിക പദ്ധതിയിൽ ഉൾപ്പെടുത്തി താളുംകണ്ടം ആദിവാസി കുടീയിലെ 30 കുടുംബങ്ങൾക്ക് 2 ആട് വിതമാണ്,ആട് ഗ്രാമം പദ്ധതി നടപ്പാക്കി....

NEWS

കോതമംഗലം :- പൂയംകുട്ടിക്കു സമീപം വെള്ളാരംകുത്തിൽ കാട്ടാനക്കൂട്ടം വീടു തകർത്തു; ഇന്ന് പുലർച്ചെ മൂന്ന് മണിക്കായിരുന്നു സംഭവം. കുട്ടമ്പുഴ പഞ്ചായത്തിലെ വെള്ളാരംകുത്ത് മുകൾ ഭാഗത്ത് താമസിക്കുന്ന രാമചന്ദ്രൻ – ശാരദ ദമ്പതികളുടെ വീടാണ്...

NEWS

കുട്ടമ്പുഴ : ഹൈക്കോടതിയെ വെല്ലുവിളിച്ച് മൂന്നാർ ഡി എഫ് ഒ.ഹൈക്കോടതി വിധി ഉണ്ടെങ്കിലും മലയോര ഹൈവേയിലൂടെ എളബ്ലാശ്ശേരി കുറത്തിക്കുടി വഴിയാത്ര ചെയ്യുന്നവരെ ചെക്ക് പോസ്റ്റിൽ തടയുമെന്ന് മൂന്നാർ ഡി എഫ് ഒ. മലയോര...