കോതമംഗലം: കേരള സംസ്ഥാന യുവജന ക്ഷേമ ബോര്‍ഡും നഗരസഭയും സംയുക്തമായി നടത്തുന്ന കേരളോത്സവം ചിലമ്പ് -2026 മത്സരങ്ങളുടെ ഉദ്ഘാടനം നടത്തി. മാര്‍ബേസില്‍ സ്‌കൂള്‍ ഗ്രൗണ്ടില്‍ നടന്ന ചടങ്ങില്‍ മൂവാറ്റുപുഴ ആര്‍ഡിഒ വി.ഇ അബ്ബാസ് ഉദ്ഘാടനം നിര്‍വഹിച്ചു. നഗരസഭാ ചെയര്‍പേഴ്‌സണ്‍ ഭാനുമതി രാജു അധ്യക്ഷത വഹിച്ചു.
നഗരസഭാ വൈസ് ചെയര്‍മാന്‍ പ്രിന്‍സ് വര്‍ക്കി മുഖ്യ പ്രഭാഷണം നടത്തി. സ്ഥിരം സമിതി അധ്യക്ഷന്മാരായ ഡോ. ആഷ്ലി ജോസഫ് , അനൂപ് ജോര്‍ജ് ,സിന്ധു ജിജോ, ജോര്‍ജ് അമ്പാട്ട്, കൗണ്‍സിലര്‍മാര്‍, പ്രോഗ്രാം കോഡിനേറ്റര്‍ എല്‍ദോസ് കീച്ചേരി എന്നിവര്‍ പങ്കെടുത്തു. ഞായറാഴ്ച കേരളോത്സവത്തിലെ കലാ മത്സരങ്ങള്‍ ലയന്‍സ് ക്ലബ് ഹാളില്‍ നടത്തും.
