കുട്ടമ്പുഴ : പൂയംകൂട്ടി പുഴയിൽ മീൻ പിടിക്കാനിറങ്ങിയപ്പോൾ കാണാതായ
മാമലകണ്ടം ചാമപ്പാറ നിരപ്പേൽ റെജി (50) ൻ്റെ മൃതദേഹമാണ് ഇന്ന് ഫയർഫോഴ്സ് ക്യൂ ബാ ടീം നടത്തിയ തിരച്ചിലിൽ തിരച്ചലിൽ കണ്ടെത്തിയത്. പൂയംകൂട്ടി പുഴയുടെ മുകളിൽ പീണ്ടിമേടിന് സമീപം കുഞ്ചിയാർ പെടലക്കയം ഭാഗത്ത് സുഹൃത്തുക്കളുമൊത്ത് മൂന്ന് ദിവസം മുൻപ് മീൻപിടിക്കാനിറങ്ങിയപ്പോഴാണ് റെജിയെ അപകടത്തിൽപ്പെട്ട് കാണാതാകുന്നത്.
ഇന്നലെ കുട്ടംമ്പുഴ റേഞ്ചിലെ വനപാലകരും നാട്ടുകാരും പോലീസും ചേർന്ന് തിരച്ചിൽ നടത്തി എങ്കിലും കണ്ടെത്താനായില്ല. ഇതേ തുടർന്നാണ് കോതമംഗലം ഫയർഫോഴ്സ് ലെസ് ക്യൂ ബാ ടീം സ്ഥലതെത്തി പരിശോധ നടത്തിയത്. രാവിലെ മുതൽ പുഴയുടെ വിവിധ ഭാഗങ്ങളിൽ മണിക്കൂറുകളോളം നടത്തിയ തിരച്ചിലിനെടുവിൽ അപകടം നടന്ന സ്ഥലത്തിനു സമീപത്തുനിന്നും മൃതദേഹം കണ്ടെത്തുകയായിരുന്നു.
കോതമംഗലം ഫയർഫോഴ്സ് സ്ക്യൂ ബാ ടീം അംഗങ്ങളായ അനിൽകുമാർ, സിദ്ധീക്ക് ഇസ്മായിൽ, പി.എം. റഷീദ്, കെ.എൻ.ബിജു ഇവരുടെ നേതൃത്വത്തിൽ ജോഷി പി.സി., കെ.കെ.ബിനോയി, സൽമാൻ ഖാൻ, വൈശാഖ്, ജേയ്സ് ജോയി എന്നിവരുടങ്ങുന്ന സംഘമാണ് തിരച്ചിലിൽ പങ്കെടുത്തത്. കുട്ടംമ്പുഴ പോലീസ് സ്ഥലത്തെത്തി പ്രാഥമിക നടപടികൾ പൂർത്തിയാക്കിയ ശേഷം മൃതദേഹം കോതമംഗലം താലൂക്ക് ആശുപത്രി മോർച്ചറിയിലേക്ക് മാറ്റി. ഭാര്യ ബിന്ദു മക്കൾ അപ്പു, അർജുൻ വിദ്യാർത്ഥികൾ.
