കോതമംഗലം : ലോക്ക്ഡൗണ്‍ പശ്ചാത്തലത്തില്‍ അന്യസംസ്ഥാന അതിഥി തൊഴിലാളികള്‍ക്ക് പി.ഡി.പി.പല്ലാരിമംഗലം പഞ്ചായത്ത് കമ്മിറ്റി ഭക്ഷ്യ ഉല്പന്നങ്ങള്‍ വിതരണം നടത്തി. പഞ്ചായത്തിന്റെ വിവിധ പ്രദേശങ്ങളിലായി ബുദ്ധിമുട്ടനുഭവിച്ച് കഴിയുന്ന നൂറോളം അതിഥി തൊഴിലാളികള്‍ക്കാണ് അവരുടെ താമസ സ്ഥലത്ത് ഭക്ഷ്യ വിഭവങ്ങള്‍ എത്തിച്ച് കൊടുത്തത്. നിയോജകമണ്ഡലം പ്രസിഡന്റ് ഷാഹുല്‍ ഹമീദ്, പഞ്ചായത്ത് കമ്മിറ്റി പ്രസിഡന്റ് മുജീബ് മുകളേല്‍ ,എം.എസ്.ആലിക്കുട്ടി, സുബൈര്‍ പൂക്കുന്നേല്‍,മുഹിയദ്ദീന്‍ ലബ്ബ,ഷംസുദ്ദീന്‍ കൂറ്റംവേലി തുടങ്ങിയവര്‍ നേതൃത്വം നല്‍കി.
