പല്ലാരിമംഗലം: അടിവാട് കേന്ദ്രീകരിച്ച് ഇടവിളായിക്കുടിയിൽ തുടങ്ങാൻ തയ്യാറെടുക്കുന്ന പ്ലൈവുഡ് കമ്പനികൾക്കായി നടന്നുവന്നിരുന്ന മലയിടിക്കൽ പ്രവർത്തനം വില്ലേജ് ഓഫീസർ തടഞ്ഞു. പ്ലൈവുഡ് കമ്പനികൾക്കെതിരെ പ്രതിഷേധിക്കുന്ന ജനകീയ സമര സമിതിയുടെ പരാതിയെത്തുടർന്ന് പല്ലാരിമംഗലം വില്ലേജ് ഓഫീസർ സ്ഥലത്തെത്തി പരിശോധിച്ചപ്പോൾ മണ്ണെടുക്കുന്നതിനുള്ള മൈനിംഗ് ജിയോളജി വകുപ്പിൻ്റെ അനുമതി ഇല്ലെന്ന് മനസിലാക്കുകയും, പ്രവർത്തനം നിർത്തിവക്കാൻ ആവശ്യപ്പെടുകയും തുടർന്ന് സ്റ്റോപ്പ്മെമ്മോ നൽക്കുകയുമായിരുന്നു.
എറണാകുളം ജില്ലയിൽ ബുധനാഴ്ച റെഡ് അലേർട്ട് നിലനിന്നിട്ടും നിയമംലംഘിച്ച് മണ്ണെടുപ്പ് നടത്തിയെന്നതും കുറ്റകരമാണ്. ജനകീയ സമിതി ചെയർമാൻ എം എസ് അബുലൈസ്, കൺവീനർ മൈതീൻ കൊച്ചുകുടി മറ്റ് ഭാരവാഹികളും വില്ലേജ് ഓഫീസർക്ക് രേഖാമൂലം പരാതിയും നൽകി.
