കോതമംഗലം: വര്‍ഗീയതയ്ക്കെതിരെ അണിചേരുക, എല്‍ഡിഎഫ് സര്‍ക്കാരിനും മുഖ്യമന്ത്രിക്കുമെതിരായ നുണപ്രചാരണങ്ങള്‍ തള്ളിക്കളയുക എന്നീ മുദ്രാവാക്യങ്ങളുയര്‍ത്തി സിപിഐ എം കോതമംഗലം ഏരിയ വാഹന പ്രചാരണ ജാഥക്ക് മാമലക്കണ്ടത്ത് തുടക്കമായി. സിപിഐ എം സംസ്ഥാന കമ്മറ്റിയംഗം എസ് സതീഷ് ജാഥ ക്യാപ്ടൻ സിപിഐ എം ജില്ലാ സെക്രട്ടറിയറ്റംഗം ആർ അനിൽ കുമാറിന് പതാക കൈമാറി ഉദ്ഘാടനം ചെയ്തു. ഏരിയ കമ്മറ്റിയംഗം പി എൻ കുഞ്ഞുമോൻ അധ്യക്ഷനായി.
ഏരിയ സെക്രട്ടറി കെ എ ജോയി,
ഏരിയ കമ്മിറ്റി അംഗങ്ങളായ കെ കെ ശിവൻ, കെ പി മോഹൻ, ആദർശ് കുര്യാക്കോസ്, ലോക്കൽ സെക്രട്ടറി കെ പി ഗോപിനാഥ്, ശ്രീജ ബിജു, എം വി രാജൻ എന്നിവർ സംസാരിച്ചു.
ചൊവ്വ രാവിലെ ഒൻപതിന് കൂവപ്പാറയിൽ നിന്നും ജാഥ ആരംഭിക്കും.പുന്നക്കാട് , കീരമ്പാറ ,പൂച്ചക്കുത്ത് എന്നിവിടങ്ങളിൽ പര്യടനത്തിന് ശേഷം വൈകിട്ട് അഞ്ചിന് വടാട്ടുപാറ പൊയ്കയിൽ സമാപിക്കും. സമാപന സമ്മേളനം സിപിഐ എം ഇടുക്കി ജില്ലാ സെക്രട്ടറി സി വി വർഗീസ് ഉദ്ഘാടനം ചെയ്യും.
ബുധൻ രാവിലെ ഒൻപതിന് മുത്തംകുഴിയിൽ നിന്നും ആരംഭിക്കും .ചേറങ്ങനാൽ ,നാഗഞ്ചേരി ,തൃക്കാരിയൂർ ,ഗ്രീൻവാലി ,കമ്പനിപ്പടി എന്നിവിടങ്ങളിൽ പര്യടനത്തിന് ശേഷം വൈകിട്ട് ആറിന് നെല്ലിക്കുഴിയിൽ സമാപിക്കും .സമാപന സമ്മേളനം ജില്ലാ സെക്രട്ടറി സി എൻ മോഹനൻ ഉദ്ഘാടനം ചെയ്യും.വ്യാഴം രാവിലെ ഒൻപതിന് കുറ്റിലിഞ്ഞിയിൽ ആരംഭിച്ച് ചെറുവട്ടൂർ ,സബ് സ്റ്റേഷൻ ,കോതമംഗലം ബസ് സ്റ്റാൻ്റ് ,മലയൻകീഴ് എന്നിവിടങ്ങളിൽ പര്യടനത്തിന് ശേഷം വൈകിട്ട് അഞ്ചിന് അയ്യങ്കാവിൽ സമാപിക്കും. സമാപന സമ്മേളനം സിപിഐ എം സംസ്ഥാന സമിതിയംഗം എസ് ശർമ്മ ഉദ്ഘാടനം ചെയ്യും.
