കോതമംഗലം: ഭൂതത്താൻകെട്ട് സൗന്ദര്യ വത്കരണ പദ്ധതിയുടെ ഭാഗമായി പ്രവർത്തനോദ്ഘാടനം ഒക്ടോബർ 22 യാം തീയതി മുഖ്യമന്ത്രി ശ്രീ പിണറായി വിജയൻ നിർവഹിച്ചിരുന്നു. ബോട്ടിങ്, താമസിക്കുന്നതിനായിട്ടുള്ള രണ്ടു കോട്ടെജുകൾ രണ്ടു ട്രൈബൽ ഹട്ട് ഉൾപ്പടെയുള്ള പാർക്കിന്റെ തുടർപ്രവർത്തനങ്ങൾ ഗ്രീനിക്സ് വെഞ്ച്വർസ് ഏറ്റെടുത്തു നടത്തിവരികയാണ്. അനുബന്ധമായി ഇന്ന് ഭൂതത്താൻകെട്ടിൽ സൈക്കിൾ ചലഞ്ച് കോവിഡ് പ്രോട്ടോകോൾ പാലിച്ചു നടത്തുകയുണ്ടായി. 5 കാറ്റഗറികളിലായി കുട്ടികളും സ്ത്രീകളും ഉൾപ്പടെയാണ് മത്സരങ്ങൾ നടത്തിയത്.
![](https://i0.wp.com/kothamangalamnews.com/wp-content/uploads/2024/07/alfalah.jpeg?resize=600%2C750&ssl=1)
ഗ്രീനിക്സ് നേച്ചർ പാർക്ക്, കൊച്ചിൻ ബൈക്കേഴ്സ് ക്ലബ്, ബൈക്ക് സ്റ്റോർ കൊച്ചിൻ എന്നിവയുടെ സംയുക്ത ആഭിമുഖ്യത്തിൽ നടത്തിയ മത്സര, മത്സരേതര വിഭാഗങ്ങളിൽ ക്യാഷ് പ്രൈസ്, മൊമെന്റോ പങ്കെടുത്തവർക്കുള്ള സർട്ടിഫിക്കറ്റ് മുതലായവ വിതരണം ചെയ്തു.
![](https://kothamangalamnews.com/wp-content/uploads/2023/11/kothamangalamnews.png)