കോതമംഗലം: കാലവർഷം കനത്തിട്ടും ഭൂതത്താന്കെട്ട് ഡാമിന്റെ തകരാറിലായ ഒരു ഷട്ടറിൻ്റ അറ്റകുറ്റപ്പണികൾ നടത്തിയിട്ടില്ല.ഡാമിന്റെ എട്ടാമത്തെ ഷട്ടര് കഴിഞ്ഞ ഏപ്രില്മാസം ആദ്യം പൊട്ടിവീണതാണ്. ചെയിന് പൊട്ടി കൗണ്ടര്വെയിറ്റ് താഴേക്ക് പതിക്കുകയായിരുന്നു. ഇതോടെ ഷട്ടറും അടഞ്ഞു. പതിനഞ്ച് ഷട്ടറുകളില് ഈ ഒരെണ്ണം മാത്രമാണ് ഇപ്പോള് അടഞ്ഞുകിടക്കുന്നത്.
അതിശക്തമായാണ് വെള്ളം താഴേക്ക ഒഴുകുന്നത്. കൂടുതല് ഒഴുക്കുള്ള മദ്ധ്യഭാഗത്താണ് തകര്ന്ന ഷട്ടറിന്റെ സ്ഥാനം. ഈ ഷട്ടറില് വെള്ളംശക്തമായി വന്നിടിക്കുന്നുണ്ട്. ഇതുവഴി ഷട്ടറിലുണ്ടാകുന്ന സമ്മര്ദ്ധം ഡാമിനേയും ബാധിക്കുമെന്നാണ് വിധക്തർ ചൂണ്ടികാണിക്കപ്പെടുന്നത്. തകര്ന്ന ഷട്ടറിന്റെ അറ്റകുറ്റപണിക്കുള്ള നടപടികള് പെരിയാര്വാലിയിലെ മെക്കാനിക്കല് വിഭാഗമാണ് സ്വീകരിക്കേണ്ടത്.
ടെണ്ടര് വിളിച്ചുവേണം കരാര്നല്കാന്. പത്ത് വര്ഷം മുമ്പ് മുഴുവന് ഷട്ടറുകളുടേയും സമ്പൂര്ണ്ണ അറ്റകുറ്റപണികള് നടത്തിയിരുന്നു. പിന്നീട് പരിപാലനത്തിലുണ്ടായ വീഴ്ചയാണ് ചെയിന്പൊട്ടിവീഴാന് കാരണമെന്ന് ആക്ഷേപം ഉയര്ന്നിരുന്നു.
