കോതമംഗലം: കോതമംഗലത്ത് വ്യത്യസ്ഥ ഇടങ്ങളിൽ രണ്ട് വാഹനാപകടങ്ങൾ. നേര്യമംഗലം വില്ലാഞ്ചിറയിലും ഭൂതത്താൻകെട്ട്-വടാട്ടുപാറ റോഡിലുമാണ് വെള്ളിയാഴ്ച വാഹനാപകടങ്ങളുണ്ടായത്. ദേശീയ പാതയിൽ തലക്കോട് വില്ലാഞ്ചിറയിൽ രാവിലെ ലോറി ഇലക്ട്രിക്ക് പോസ്റ്റിൽ ഇടിച്ച ലോറി 20 അടി താഴ്ചയിലേക്കു പതിച്ചു.
പരിക്കേറ്റ ഡ്രൈവർ കുറ്റിലഞ്ഞി ചെല്ലിശേരി വിനോദിനെ (47) കോലഞ്ചേരി മെഡിക്കൽ കോളജ് ആശുപ്രതിയിൽ പ്രവേശിപ്പിച്ചു. ലോറിയുടെ മുൻഭാഗം പൂർണ്ണമായി തകർന്നു. ഊന്നുകൽ മുതൽ വില്ലാഞ്ചിറ വരെ വൈദ്യുതി മുടങ്ങി. ഭൂതത്താൻകെട്ട്-വടാട്ടുപാറ റോഡിലെ എസ് വളവിൽ രാവിലെ ബസും ബൈക്കും കൂട്ടിയിടിച്ചു ബൈക്ക് ബസിനടിയിൽ പെട്ടു.ബൈക്ക് യാത്രികൻ നിസാര പരുക്കുകളോടെ രക്ഷപ്പെട്ടു.
