പെരുമ്പാവൂര്: പ്ലൈവുഡ് കമ്പനിയിലെ ഡ്രയര് ബെല്റ്റില് കുടുങ്ങി ഇതരസംസ്ഥാന തൊഴിലാളി ദമ്പതികളുടെ നാലുവയസ്സുള്ള ആണ്കുഞ്ഞിന് ദാരുണാന്ത്യം. വെസ്റ്റ് ബംഗാള് സ്വദേശി നൂര് ജമാല് ഷെയ്ഖ്നൂറിമ കാത്തുന് ദമ്പതികളുടെ മകന് മെറാജ് ഷെയ്ഖാണ് മരിച്ചത്. തണ്ടേക്കാട് വെട്ടിക്കാട്ടുകുന്നിലെ പ്ലൈവുഡ് കമ്പനിയില് വ്യാഴം വൈകിട്ട് 6.30നാണ് അപകടം.
നൂര് ജമാല് ഷെയ്ഖ് കമ്പനിയിലെ തൊഴിലാളിയാണ്. കുട്ടി ഓടിക്കളിക്കുന്നതിനിടെ വിനീര് ഉണക്കുന്ന ഡ്രയറിന്റെ ബെല്റ്റില് കുടുങ്ങുകയായിരുന്നു. തല ഉടലില്നിന്ന് വേര്പെട്ടനിലയിലായിരുന്നു. മൃതദേഹം താലൂക്കാശുപത്രി മോര്ച്ചറിയില്.





















































