കോതമംഗലം : എറണാകുളം ജില്ലാ പഞ്ചായത്ത് നടപ്പിലാക്കുന്ന സൗജന്യ ഡയാലിസിസ് (കാരുണ്യ സ്പർശം) പദ്ധതിയുടെ ഭൂതത്താൻ കെട്ട് ഡിവിഷൻ തല ഉദ്ഘാടനം കോട്ടപ്പടിയിൽ വച്ച് ആന്റണി ജോൺ എം എൽ എ നിർവ്വഹിച്ചു.ഒരു മാസത്തിൽ ഒരു ഡയാലിസിസിന് ആയിരം രൂപ വീതം 4 ഡയാലിസിസിനാണ് തുക അനുവദിക്കുന്നത്. വർഷത്തിൽ 48000 രൂപയാണ് ബന്ധപ്പെട്ട രോഗികൾക്ക് ലഭിക്കുന്നത്.ചികിത്‌സ തേടുന്ന ആശുപത്രിയിലേക്കാണ് തുക നൽകുന്നത്.
ഗ്രാമ പഞ്ചായത്ത് പ്രസിഡന്റ് മിനി ഗോപി അദ്ധ്യക്ഷയായി.ജില്ലാ പഞ്ചായത്ത് അംഗം റഷീദ സലിം സ്വാഗതം പറഞ്ഞു.ബ്ലോക്ക് പഞ്ചായത്ത് അംഗം ആശ അജിൻ,സ്‌റ്റാന്റിംഗ് കമ്മിറ്റി ചെയർമാൻ സാറാമ്മ ജോൺ,ഗ്രാമ പഞ്ചായത്ത് അംഗങ്ങളായ അമൽ വിശ്വം,ബിജി പി ഐസക്,റംല മുഹമ്മദ്,ജിജി സജീവ്,ശ്രീജ സന്തോഷ്,സന്തോഷ് അയ്യപ്പൻ,ഡോക്ടർ ഗിരീഷ് ജി,ഓമന രമേഷ്,ആശ പ്രവർത്തകർ എന്നിവർ ചടങ്ങിൽ പങ്കെടുത്തു.
