പല്ലാരിമംഗലം: പല്ലാരിമംഗലം ഗ്രാമ പഞ്ചായത്ത് പന്ത്രണ്ടാം വാർഡ് മുപ്പത്തി എട്ടാം നമ്പർ അങ്കണവാടിയുടെ ശിശു സൗഹൃദ അങ്കണവാടി പ്രഖ്യാപനവും, പ്രവേശനോത്സവവും നടന്നു. പഞ്ചായത്ത് വൈസ് പ്രസിഡൻ്റ് ഒ ഇ അബ്ബാസ് ഉദ്ഘാടനം ചെയ്തു. അങ്കണവാടി ലെവൽ മോണിട്ടറിംഗ് കമ്മിറ്റി വൈസ് ചെയർമാൻ കെ എ മുഹമ്മദ് അദ്ധ്യക്ഷത വഹിച്ചു.
അങ്കണവാടിയിലേക്ക് അടിവാട് കൈരളി ജുവലറി നൽകിയ സീലിംഗ് ഫാൻ മാനേജിംഗ് പാർട്ട്ണർ അബ്ദുൾ റഹീം തടത്തിക്കുന്നേൽ
ഒ ഇ അബ്ബാസിന് കൈമാറി. അടിവാട് തെക്കേ കവല പ്ലേ മേക്കേഴ്സ് ക്ലബ്ബ് പ്രവർത്തകരുടെ സഹായത്തോടെ വർണ്ണാഭമായ വിളംബര റാലി നടത്തി. ഹീറോ യംഗ്സ് ക്ലബ്ബ് പ്രസിഡൻ്റ് യു എച്ച് മുഹിയുദ്ധീൻ, പ്ലേ മേക്കേഴ്സ് ക്ലബ്ബ് പ്രസിഡൻ്റ് ടി എസ് അറഫൽ, രക്ഷാധികാരി എ എം അലി, ചാരിറ്റി കോർഡിനേറ്റർ ബഷീർ പൂവത്തുംമൂട്ടിൽ, ഗോൾഡൻ യംഗ്സ് ക്ലബ്ബ് പ്രസിഡൻ്റ് അനീഷ് മീരാൻ, ആശാവർക്കർ മേരി ഏലിയാസ്, സി ഡി എസ് മെമ്പർ ഷാജിത സാദിഖ്, കെ കെ അബ്ദുൾ റഹ്മാൻ എന്നിവർ പ്രസംഗിച്ചു. അങ്കണവാടി വർക്കർ കെ പി നിസാമോൾ സ്വാഗതവും, വർക്കർ ഹലീമ നാസർ കൃതജ്ഞതയും പറഞ്ഞു.
