കോതമംഗലം: നെല്ലിക്കുഴി,പല്ലാരിമംഗലം മണ്ഡലത്തിൽ യുഡിഎഫ് സ്ഥാനാര്‍ഥി ഷിബു തെക്കുംപുറത്തിൻ്റെ പര്യടനത്തോടൊപ്പം ചാണ്ടി ഉമ്മൻ. തുറന്ന ജീപ്പിൽ, കനത്ത മഴയിലും ചാണ്ടി ഉമ്മൻ സ്ഥാനാർഥിക്കൊപ്പം ഉണ്ടായിരുന്നു. ഇരുമലപ്പടിയിൽ നിന്നാരംഭിച്ച പര്യടനത്തിന് നാൽപതിൽപരം കേന്ദ്രങ്ങളിൽ സ്വീകരണം നൽകി. പല്ലാരിമംഗലം പൈമറ്റം കവലയിൽ സമാപിച്ചു. പര്യടനം തെരഞ്ഞെടുപ്പ് കമ്മിറ്റി ചെയർമാൻ കെ.പി. ബാബു ഉദ്ഘടനം ചെയ്തു. മണ്ഡലം ചെയർമാൻ അലി പടിഞ്ഞാറേച്ചാലിൽ അധ്യക്ഷത വഹിച്ചു. ചിഹ്നമായ ട്രാക്ടറുകളും നിരവധി ഇരുചക്ര വാഹനങ്ങളും പര്യടനത്തെ അനുഗമിച്ചു .
വിവിധ കേന്ദ്രങ്ങളിൽ ചാണ്ടി ഉമ്മൻ, സി.കെ.സത്യൻ, എബി എബ്രാഹം, റോയ് കെ.പോൾ, അഡ്വ. അബു മൊയ്തീൻ, പി.എ.എം.ബഷീർ, എം.വി. റെജി, എം.എം.അബ്ദുൾ കരിം, ഷെമീർ പറപ്പാട്ട്, സീതി മുഹമ്മദ്, ഷെമീർ പനയ്ക്കൽ, കെ.എം. ഇബ്രാഹിം, നസീർ മുല്ലശ്ശേരി എന്നിവർ പ്രസംഗിച്ചു. ഐഎൻടിയുസി കോതമംഗലം നിയോജക മണ്ഡലം തിരഞ്ഞെടുപ്പ് കൺവെൻഷൻ നടത്തി. തെരഞ്ഞെടുപ്പ് കമ്മിറ്റി ചെയർമാൻ കെ.പി.ബാബു ഉദ്ഘാടനം ചെയ്തു. റീജണൽ പ്രസിഡന്റ് അഡ്വ. അബു മൊയ്ദീൻ അധ്യക്ഷത വഹിച്ചു. പി.പി. ഉതുപ്പാൻ, റോയ് കെ. പോൾ, ശശി കുഞ്ഞുമോൻ, ചന്ദ്രലേഖ ശശിധരൻ, എ.ആർ.സന്തോഷ്, എം. ആർ.രാഘവൻ നായർ, ജിജോ ജോർജ്, പി.വി. മൈതീൻ എന്നിവർ പ്രസംഗിച്ചു.
