കോതമംഗലം: യു.ഡി.എഫ് സ്ഥാനാർത്ഥി കേരള കോൺഗ്രസിലെ ഷിബു തെക്കുംപുറം പ്രചാരണം ആരംഭിച്ചു. കോതമംഗലത്തെ സ്ഥാനാർത്ഥിയായി കേരള കോൺഗ്രസ് നേത്യത്വം പ്രഖ്യാപിച്ചതിന് പിന്നാലെയാണ് ഇന്ന് ശനിയാഴ്ച്ച രാവിലെ മുതൽ പ്രചാരണം ശക്തമാക്കിയത്. യു.ഡി.എഫ് നേതാക്കളുടെയും, ജനപ്രതിനിധികളുടെയും ഒപ്പം കോതമംഗലം ചെറിയ പള്ളിയിലും , നഗരത്തിലെ കടകമ്പോളങ്ങളിളിലും കയറിയിറങ്ങിയാണ് പ്രചരണത്തിന് തുടക്കം കുറിച്ചത്. കഴിഞ്ഞ 30 വർഷത്തെ പൊതുരംഗത്ത് പ്രവർത്തിച്ചതിന്റെ ആത്മവിശ്വാസത്തോടെയാണ് തെരഞ്ഞെടുപ്പിനെ നേരിടുന്നതെന്ന് ഷിബു തെക്കുംപുറം പറഞ്ഞു. കോതമംഗലത്ത് നിലച്ചുപോയ വികസന പ്രവർത്തനങ്ങൾക്കും വികസന മുരടിപ്പിനും ജനങ്ങൾ ഈ തെരഞ്ഞെടുപ്പിൽ മറുപടിനൽകുമെന്ന് ഷിബു തെക്കുംപുറം വെളിപ്പെടുത്തുന്നു.
ഡീൻ കുര്യാക്കോസ് MP, T.U. കുരുവിള, കെ.പി. ബാബു, എ.ജി ജോർജ്, PAM ബഷീർ, MS എൽദോസ്, എബി എബ്രാഹം, T. M അമീൻഷിബുകുര്യാക്കോസ്, പി.മൊയ്തു, ഇബ്രാഹീം കവലയിൽ, എ റ്റി പൗലോസ്, വിൻസന്റ് ജോസഫ്, ഇ.എം മൈക്കിൾ, ജോമി തെക്കേക്കര, ഇ.കെ സത്യൻ, റോയി കെ.പോൾ, കെന്നഡി പീറ്റർ, ഷമീർ പനക്കൽ, പി.എ പാദുഷ റോയി, കെ പോൾ എന്നിവർ നേതൃത്വം നൽകി.
