കുട്ടമ്പുഴ : മഴ പെയ്താല്‍ ചോര്‍ന്നൊലിച്ച് യാത്രക്കാര്‍ക്ക് ദുരിതമാകുകയാണ് കുട്ടമ്പുഴയിലെ വെയിറ്റിംഗ്ഷെഡ്. നിരവധി യാത്രക്കാർ ദിവസേന ഉപയോഗിക്കുന്ന കുട്ടമ്പുഴയുടെ ഹൃദയഭാഗത്തുള്ള വെയിറ്റിംഗ് ഷെഡ് ആണ് പരിതാപകരമായ അവസ്ഥയിൽ ഉള്ളത്. വർഷങ്ങളായി മേൽക്കൂര ഓട്ട വീണ് ചോർന്നൊലിക്കുന്നതിന് നാട്ടുകാർ നിരവധി തവണ അധികാരികളെ ബോധ്യപ്പെടുത്തിയിരുന്നെങ്കിലും നടപടികൾ ഉണ്ടായില്ല.
ചോർന്നൊലിക്കുന്ന ഷെഡിൽ കുടയും ചൂടി നിന്ന് ബസ് കയറേണ്ട അവസ്ഥയാണ് ഇപ്പോളുള്ളത്. അധികാരികൾ അടിയന്തിരമായി നടപടികൾ കൈകൊള്ളണമെന്നാണ് നാട്ടുകാർ ആവശ്യപ്പെടുന്നത്.
