കോതമംഗലം : വാടകയ്ക്ക് താമസിക്കുന്ന കുടുംബങ്ങളെ സഹായിക്കുന്നതിന് അതിജീവനം പദ്ധതിക്ക് എൻറെ നാട് തുടക്കം കുറിച്ചു. ലോക്ക് ഡൗൺ മൂലം തൊഴിൽ നഷ്ടപ്പെട്ട് വാടകയ്ക്ക് താമസിക്കുന്ന എൻറെ നാടിൻറെ പ്രിവിലേജ് കാർഡ് ഉടമകൾ, നാം അംഗങ്ങൾ, കിടപ്പുരോഗികൾ എന്നിവരെയാണ് ഈ പദ്ധതിയിൽ ഉൾപ്പെടുത്തിയിരിക്കുന്നത്. ആദ്യഘട്ടത്തിൽ 500 കുടുംബങ്ങൾക്ക് രണ്ട് ഗഡുക്കളായി 2000 രൂപ സാമ്പത്തികസഹായം ലഭിക്കും, കൂടാതെ 10,000 രൂപ പലിശരഹിത വായ്പയും അംഗങ്ങൾക്ക് ലഭ്യമാക്കും. പദ്ധതിയുടെ ഉദ്ഘാടനം ചെയർമാൻ ഷിബു തെക്കുംപുറം നിർവഹിച്ചു. ഡാമി പോൾ, കെ പി കുര്യാക്കോസ്, സികെ സത്യൻ, പി എ പാദുഷ, പി പ്രകാശ് എന്നിവർ പങ്കെടുത്തു.
