മൂവാറ്റുപുഴ: വാഴപ്പിള്ളിയ്ക്ക് സമീപമുള്ള തോട്ടില് മധ്യവയസ്കനെ മരിച്ച നിലയില് കണ്ടെത്തി. ശനിയാഴ്ച രാവിലെ എന്എസ്എസ് വാഴപ്പിള്ളി റോഡിന് സമീപമുള്ള തോട്ടില് നിന്ന് വെള്ളൂര്ക്കുന്നം താമരശ്ശേരിയില് രാജേഷ് (53) നെയാണ് മരിച്ച നിലയില് കണ്ടെത്തിയത്.
സ്വകാര്യ സൈക്കിള് വ്യാപാര സ്ഥാപനത്തിലെ ജീവനക്കാരനായ രാജേഷിനെ വെള്ളിയാഴ്ച വൈകുന്നേരം മുതല് കാണാതായിരുന്നു. ബന്ധുക്കളും നാട്ടുകാരും തിരച്ചില് നടത്തിയെങ്കിലും കണ്ടെത്താനായില്ല. തുടര്ന്ന് ഇന്ന് രാവിലെ പ്രദേശവാസികളാണ് മൃതദേഹം കണ്ടെത്തിയത്. മൂവാറ്റുപുഴ പോലീസ് സ്ഥലത്തെത്തി ഇന്ക്വസ്റ്റ് നടപടികള് പൂര്ത്തിയാക്കി മൃതദേഹം ജനറല് ആശുപത്രിയിലേക്ക് മാറ്റി.
