കുട്ടമ്പുഴ: കഴിഞ്ഞ ഒന്നര ദശാബ്ദ കാലത്തിലേറെയായി കുട്ടമ്പുഴയിൽ സ്ത്രീകളുടെ ഉന്നമനത്തിനായി പ്രവർത്തിച്ചുവരുന്ന കുട്ടമ്പുഴ വനിതാ സർവീസ് സഹകരണ സംഘം ഐ 304 പുതിയ സാമ്പത്തിക വർഷത്തിൽ കുട്ടമ്പുഴ നൂറേക്കർ ജംഗ്ഷനിൽ ഫാമിലി മാർട്ട് സൂപ്പർ മാർക്കറ്റ് കെട്ടിടത്തിൽ നവീകരിച്ച സംഘം ഓഫീസ് ഉൽഘാടനം നടത്തി. Covid 19 പശ്ചാത്തലത്തിൽ ആഘോഷങ്ങളും ചടങ്ങുകളും ഇല്ലാതെ വനിതാ സംഘം പ്രസിഡന്റ് ലിസി ജോയിയുടെ അധ്യക്ഷതയിൽ വാർഡ് മെമ്പർ തങ്കമ്മ ടീച്ചർ നാട മുറിച്ചു ഉൽഘാടനം നിർവഹിച്ചു.
സംഘം സെക്രട്ടറി മിനി എൽദോസ് സ്വാഗതം ആശംസിച്ചു. മുൻ പഞ്ചായത്ത് പ്രസിഡന്റ് സി ജെ എൽദോസ് ഈ സാമ്പത്തിക വർഷത്തിലെ ആദ്യ നിക്ഷേപം നടത്തി. ബോർഡ് മെമ്പർമാരായ ഷേർളി ജോയി,ഷീജ ജോർജ്, സീന ജെയ്സൻ,രമണി ശശി,ആശ ബോണി തുടങ്ങിയവർ പ്രസംഗിച്ചു. ലോകമാകെ കൊറോണ വൈറസ് വ്യാപിക്കുന്ന സാഹചര്യത്തിൽ ഏവരും ജാഗ്രത പുലർത്തണമെന്ന് സംഘം ഭാരവാഹികൾ ആഹ്വാനം ചെയ്തു. കൊറോണ വൈറസ് മൂലം മരണമഞ്ഞവരെ ഓർത്തും രോഗാവസ്ഥയിൽ ഇരിക്കുന്നവർക്ക് വേണ്ടിയും ആതുര ശുശ്രുഷകർക്ക് വേണ്ടിയും പ്രാർത്ഥനയോടെയാണ് ചടങ്ങുകൾ നടത്തിയത്.
