കോതമംഗലം: കേന്ദ്രസർക്കാരിന്റെ റേഷൻ വ്യാപാര മേഖലയിലുള്ള തെറ്റായ നയങ്ങളിൽ പ്രതിഷേധിച്ച് ഓൾ കേരള റേഷൻ ഡീലേഴ്സ് അസോസിയേഷൻ കോതമംഗലം താലൂക്ക് കമ്മറ്റി തിങ്കളാഴ്ച പോസ്റ്റ് ഓഫീസ് മാർച്ചും ധർണ്ണയും നടത്തുന്നു. ഡയറക്ട് പെയ്മെന്റ് സിസ്റ്റം നടപ്പിലാക്കാൻ നീക്കം ഉപേക്ഷിക്കുക, എ എ വൈകാർഡുകളുടെ അരി വെട്ടികുറിക്കുന്നതിനുള്ള നീക്കം ഉപേക്ഷിക്കുക, എല്ലാ വിഭാഗം കാർഡുകൾക്കും 10 കിലോയിൽ കുറയാതെ അരി നിശ്ചിതവിലക്ക് നൽകുക, മറ്റ് സംസ്ഥാനങ്ങളിലെ പോലെ പയർ വർഗ്ഗങ്ങൾ ഭക്ഷ്യ എണ്ണ ഉൾപ്പെടെ സംസ്ഥാനത്ത് റേഷൻ കടകളിൽ വിതരണത്തിന് ലഭ്യമാക്കുക,
റേഷൻ വിതരണം കോർപ്പറേറ്റുകളെ ഏൽപ്പിനുള്ള നീക്കം ഉപേക്ഷിക്കുക തുടങ്ങിയ ആവശ്യങ്ങളുന്നയിച്ചാണ് ധർണ്ണ.
കോതമംഗലം ഹെഡ് പോസ്റ്റ് ഓഫീസിനു മുന്നിലേക്ക് രാവിലെ 10 ന് കോതമംഗലം കെഎസ്ആർടിസി ജംഗ്ഷനിൽ നിന്നും പ്രതിഷേധ മാർച്ച് ആരംഭിക്കും.പോസ്റ്റ് ഓഫീസിന് മുന്നിൽ നടത്തുന്ന ധർണ്ണ ഷിബു തെക്കുംപുറം എം എൽ എ ഉദ്ഘാടനം ചെയ്യും.
ഓൾ കേരള റീട്ടെയിൽ റേഷൻ ഡീലേഴ്സ് അസോസിയേഷൻ ജില്ലാ വൈസ് പ്രസിഡണ്ട് മാജോ മാത്യു അധ്യക്ഷത വഹിക്കും. അസോസിയേഷൻ ജില്ലാ താലൂക്ക് നേതാക്കൾ പങ്കെടുക്കും.
