കോതമംഗലം: എൽ ഡി എഫ് മുനിസിപ്പൽ കമ്മറ്റിയുടെ നേതൃത്വത്തിൽ നഗരസഭയിലെ എൽ ഡി എഫ് ജനപ്രതിനിധികൾക്ക് കോതമംഗലത്ത് ഉജ്ജ്വല സ്വീകരണം നൽകി. നൂറു കണക്കിനു പ്രവർത്തകരുടെ നേതൃത്വത്തിൽ വാദ്യമേളങ്ങളുടെ അകമ്പടിയോടെ ചെറിയ പള്ളിത്താഴത്തു നിന്നും സ്വീകരിച്ചാനയിച്ച് നഗരസഭക്ക് മുന്നിൽ സ്വീകരണ സമ്മേളനം നടത്തി. സി പി ഐ എം ജില്ലാ സെക്രട്ടറി സി എൻ മോഹനൻ ഉദ്ഘാടനം ചെയ്തു.
എൽ ഡി എഫ് കമ്മിറ്റി ചെയർമാൻ എം സ് ജോർജ് അദ്ധ്യക്ഷനായി , സെക്രട്ടറി സി പ എസ് ബാലൻ സ്വാഗതം പറഞ്ഞു. സി പി ഐ എം ഏരിയാ സെക്രട്ടറി ആർ. അനിൽകുമാർ, ഡി വൈ എഫ് ഐ സംസ്ഥാന പ്രസിഡൻ്റ് എസ് സതീഷ് സി പി ഐ മണ്ഡലം സെക്രട്ടറി എ ആർ വിനയൻ, കേരള കോൺഗ്രസ്സ് എം നിയോജക മണ്ഡലം പ്രസിഡൻ്റ് എൻ സി ചെറിയാൻ, എൻ സി പി ബ്ലോക്ക് പ്രസിഡൻ്റ് റ്റി പി തമ്പാൻ , കെ എ നൗഷാദ് എന്നിവർ സംസാരിച്ചു. സ്വീകരണ സമ്മേളനത്തിന് നന്ദി പ്രകാശിപ്പിച്ചു ചെയർമാൻ കെ.കെ ടോമി, വൈസ് ചെയർപേഴ്സൺ സിന്ധു ഗണേശൻ എന്നിവർ സംസാരിച്ചു.
