ഓട്ടോറിക്ഷയിൽ കടത്തിക്കൊണ്ട് വന്ന വാറ്റ് ചാരായം പിടികൂടി.

കുട്ടമ്പുഴ : കുട്ടമ്പുഴ റേഞ്ച് എക്സൈസ് ഇൻസ്പെക്ടർ പി രമേശിന്റെ നേതൃത്വത്തിലുള്ള പാർട്ടിയും എറണാകുളം എക്സൈസ് ഇൻറലിജൻസ് & ഇൻവെസ്റ്റിഗേഷൻ ബ്യൂറോയും സംയുക്തമായി കുട്ടമ്പുഴ വില്ലേജിൽ വടാട്ടുപാറ അരിക്കാസിറ്റി കരയിൽ നടത്തിയ മിന്നൽ പരിശോധനയിൽ KL-39-C-8861 നമ്പർ പാസഞ്ചർ ഓട്ടോറിക്ഷയിൽ കടത്തിക്കൊണ്ട് വന്ന 3 ലിറ്റർ വാറ്റ് ചാരായം പിടികൂടി വടാട്ടുപാറ അരിക്കാസിറ്റി കരയിൽ കട്ടക്കകത്ത് വീട്ടിൽ കുഞ്ഞപ്പൻ മകൻ അനിലിന്റെ (56) പേരിൽ ഒരു അബ്കാരി കേസെടുത്തു.

സംഭവ സ്ഥലത്ത് നിന്നും പോയ ടി അനിലിനെ അറസ്റ്റ് ചെയ്യുന്നതിനുള്ള നടപടികൾ സ്വീകരിച്ചു വരുന്നു. ഓണത്തോടനുബന്ധിച്ചുള്ള തീവ്ര സന്നാഹ കാലഘട്ടമായതിനാൽ പരിശോധനകൾ ഊർജ്ജിതമാക്കി വരും ദിവസങ്ങളിലും പരിശോധനകൾ തുടരുംപരിശോധനയിൽ എക്സൈസ് ഇൻസ്പെക്ടർ , പി രമേഷ്  പ്രിവന്റീവ് ഓഫീസർമാരായ സാജൻ പോൾ,എൻ. എ. മനോജ് (എക്സൈസ് ഇൻറലിജൻസ് & ഇൻവെസ്റ്റിഗേഷൻ ബ്യൂറോ ,എറണാകുളം) സിവിൽ എക്സൈസ്  ഓഫീസർമാരായ A.K. ജയദേവൻ, V ഉന്മേഷ് ,  P.B. സജീഷ് എന്നിവരും ഉണ്ടായിരുന്നു.