ഇടമലയാർ : മലയാറ്റൂർ ഫോറസ്റ്റ് ഡിവിഷനിലെ തുണ്ടത്തിൽ രാജവെമ്പാലയും ഉടുമ്പും തമ്മിൽ റോഡിൽ ഏറ്റുമുട്ടി. മലയാറ്റൂർ വനത്തിലെ തുണ്ടം റേഞ്ചിലെ റോഡിലാണ് രാജവെമ്പാലയും ഉടുമ്പും തമ്മിൽ ഏറ്റുമുട്ടിയത്. ഉടുമ്പിനെ ഭക്ഷിക്കാനുള്ള രാജവെമ്പാലയുടെ ശ്രമം പരാജയപ്പെട്ടു. ഉടുമ്പിന്റെ വാൽഭാഗത്താണ് രാജവെമ്പാല കടിച്ചത്. തിരിച്ച് രാജവെമ്പാലയെ കടിച്ച ഉടുമ്പ് പാമ്പിന്റെ പിടിയിൽ നിന്ന് കഷ്ടിച്ച് രക്ഷപ്പെട്ട് കാട്ടിൽ ഓടി മറയുകയായിരുന്നു.
ഈ മേഖലയിൽ രാജവെമ്പാലകളുടെ എണ്ണം വർദ്ധിച്ചിട്ടുണ്ട്. കഴിഞ്ഞ ദിവസം കോട്ടപ്പടി വാവേലി ഭാഗത്ത് ജനവാസ മേഖലയിൽ കണ്ടെത്തിയ രാജവെമ്പാലയെ വനപാലകർ പിടികൂടിയിരുന്നു.
