കോതമംഗലം : ഭൂതത്താൻകെട്ട് – വടാട്ടുപാറ റോഡിൽ തുണ്ടം റേഞ്ച് ഓഫീസിനു സമീപമാണ് അപകടം നടന്നത്. ഓടിക്കൊണ്ടിരുന്ന കാറിന്റെ വശത്തിൽ മ്ലാവ് വന്നിടിക്കുകയായിരുന്നു. ഇടിയുടെ ആഘാതത്തിൽ കാറിന്റെ മുൻവശത്തെ ഭാഗത്തിനും ഡോർ സൈഡിനും തകരാർ സംഭവിക്കുകയും ചെയ്തു. പരിക്കേറ്റ മ്ലാവിനെ തുണ്ടം റേഞ്ച് ഓഫീസറുടെ നേതൃത്വത്തിൽ വനപാലകർ ചികിത്സക്കായി കൊണ്ടു പോയി.
വടാട്ടുപാറയിലെ ബന്ധുവീട്ടിലേക്ക് പോകുകയായിരുന്ന കൂടാലപ്പാട് സ്വദേശി ചിറ്റു പറമ്പിൽ സജിത്ത് (29) നാണ് പരിക്കേറ്റത്. ഇയാൾ കോതമംഗലത്തെ താലൂക്ക് ആശുപത്രിയിൽ ചികിത്സയിലാണ്. ഒരാഴ്ച മുൻപാണ് ഇതുവഴി രാത്രിയിൽ വടാട്ടുപാറയിലേക്ക് പോയ ഇരുചക്രവാഹന യാത്രികനും മ്ലാവ് വട്ടംചാടി പരിക്കേറ്റിരുന്നു.
