പോത്താനിക്കാട്: ആയങ്കരയില് നിയന്ത്രണം നഷ്ടപ്പെട്ട കാര് ജനതാലൈബ്രറി മന്ദിരം ഇടിച്ചുതകര്ത്തു. ചൊവ്വാഴ്ച പുലര്ച്ചെ മൂന്നോടെയായിരുന്നു അപകടം. പോത്താനിക്കാട് നിന്ന് വണ്ണപ്പുറം ഭാഗത്തേക്ക് പോവുകയയിരുന്ന വണ്ണപ്പുറം വെള്ളികുളം സ്വദേശി അനസ് ഓടിച്ചിരുന്ന കാറാണ് അപകടത്തില്പെട്ടത്. ഭാര്യയേയും കുട്ടികളേയും മൂവാറ്റുപുഴയില് ഭാര്യവീട്ടില് വിട്ടശേഷം മടങ്ങുന്നതിനിടയിലാണ് അപകമുണ്ടായത്.
അപകടത്തില് നിസ്സാരമായി പരിക്കേറ്റ അനസ് പോത്താനിക്കാട് ആശുപത്രിയില് പ്രഥമശുശ്രൂഷ തേടിയ ശേഷം മടങ്ങി. കാറിന്റെ മുന്വശം പൂര്ണമായും തകര്ന്നു. ജനതാ ലൈബ്രറിയുടെ ഇരുനില മന്ദിരത്തിന്റെ ഒരു പില്ലര് ഇടിയുടെ ആഘാതത്തില് പൂര്ണമായും തകര്ന്നു. ഭിത്തികള്ക്കും ഇളക്കം സംഭവിച്ചിട്ടുണ്ട്. കെട്ടിടത്തിന് സാരമായ ബലക്ഷയം സംഭവിച്ചുണ്ടെന്നും കെട്ടിടം മൊത്തം പൊളിച്ച് പുനര്നിര്മിക്കേണ്ടിവരുമെന്നും ലൈബ്രറി ഭാരവാഹികള് പറഞ്ഞു
