മൂവാറ്റുപുഴ:മൂവാറ്റുപുഴ-കോലഞ്ചേരി റോഡില് കടാതി ഷാപ്പുംപടിക്ക് സമീപം നിയന്ത്രണം നഷ്ടപ്പെട്ട കാര് റോഡരികിലെ വീടിന്റെ മതിലിലേക്ക് ഇടിച്ചുകയറി അപകടം. ബുധനാഴ്ച രാത്രിയുണ്ടായ അപകടത്തില് വീടിന്റെ കോണ്ക്രീറ്റ് മതില് പൂര്ണമായും തകര്ന്നു. കടാതി സ്വദേശി രാജുവിന്റെ ഉടമസ്ഥതയിലുള്ള വീടിന്റെ മതിലാണ് തകര്ന്നത്.
മൂവാറ്റുപുഴ ഭാഗത്തുനിന്നും കോലഞ്ചേരി ഭാഗത്തേയ്ക്ക് പോകുകയായിരുന്ന കാര് നിയന്ത്രണം നഷ്ടപ്പെട്ട് മതിലില് ഇടിച്ചതിനെതുടര്ന്ന് റോഡിലേക്ക് മറിയുകയായിരുന്നു. കാറിലുണ്ടായിരുന്ന യാത്രക്കാര്ക്ക് പരിക്കുകളേല്ക്കാതെ രക്ഷപ്പെട്ടു. ഇടിയുടെ ആഘാതത്തില് റോഡിലേക്ക് തെറിച്ചുവീണ കാറിന്റെ ഭാഗങ്ങള് മൂവാറ്റുപുഴ ഫയര്ഫോഴ്സെത്തി നീക്കം ചെയ്ത്, ഗതാഗതം പുനഃസ്ഥാപിച്ചു. മൂവാറ്റുപുഴ പോലീസ് സ്ഥലത്തെത്തി മേല് നടപടികള് സ്വീകരിച്ചു.
