കോതമംഗലം: തങ്കളം ബൈപ്പാസ് ജംഗ്ഷനിൽ ട്രാഫിക് സിഗ്നല് സ്ഥാപിച്ച് രണ്ട് മാസം പിന്നിട്ടും പ്രവർത്തനം ആരംഭിച്ചിട്ടില്ല. ഗതാഗത കുരുക്കിന് പരിഹാരം കാണുക എന്ന ലക്ഷ്യത്തോടെയാണ് ഓട്ടോമാറ്റിക് ട്രാഫിക് സിഗ്നല് സംവിധാനം സ്ഥാപിക്കാന് നടപടിയുണ്ടായത്. കെല്ട്രോണിനാണ് കരാര് നല്കിയിരുന്നത്. രണ്ട് മാസം മുമ്പുതന്നെ ലൈറ്റുകളും അനുബന്ധസംവിധാനങ്ങളും സ്ഥാപിച്ചിരുന്നു.
എന്നാല് ഇപ്പോഴും പ്രവര്ത്തനസജ്ജമാക്കാന് നടപടിയുണ്ടായിട്ടില്ല. ബൈപ്പാസ് ജംഗ്ഷനില് നാല് ഭാഗത്തേക്കുമുള്ള വാഹനങ്ങള് തലങ്ങും വിലങ്ങും കടന്നുപോകുന്നുണ്ട്.പലപ്പോഴും ഗതാഗത കുരുക്ക് അനുഭവപ്പെടുന്നുണ്ട്. ഇടക്കിടെ അപകടങ്ങളും സംഭവിക്കുന്നുണ്ട്. ഇടക്ക്മാ ത്രമാണ് ട്രാഫിക് പോലിസിന്റെ സാന്നിദ്ധ്യം ഇവിടെയുള്ളത്. ട്രഫിക്ക് ബ്ലോക്കും അപകടങ്ങളും ഒഴിവാക്കാൻ ട്രാഫിക് സിഗ്നല് പ്രവർത്തന സജ്ജമാക്കണമെന്നുമാണ് യാത്രക്കാരുടെ ആവശ്യം.
