കോതമംഗലം: വൈക്കം മുഹമ്മദ് ബഷീർ മെമ്മോറിയൽ ലൈബ്രറി ആൻ്റ് സ്റ്റഡി സെൻ്ററിൻ്റെ നേതൃത്വത്തിൽ കോഴിപ്പിള്ളി മാർ മാത്യൂസ് ബോയ്സ് ടൗൺ പ്രൈവറ്റ് ഐടിഐയിൽ വിദ്യാർത്ഥികൾക്ക് മോട്ടിവേഷൻ ക്ലാസും പ്രമുഖ വ്യക്തികൾക്ക് ആദരവും നൽകി. ഇന്ദിരാഗാന്ധി കോളേജ് പ്രിൻസിപ്പലും സ്റ്റുഡന്റ് സൈക്കോളജിസ്റ്റുമായ ഡോ. വിജി കെ. രാമകൃഷ്ണൻ ഉദ്ഘാടനം നിർവഹിച്ച് ക്ലാസ് നയിച്ചു.
കോഴിപ്പിള്ളി മാർ മാത്യൂസ് ബോയ്സ് ടൗൺ , ആയുർവേദ ഡോക്ടർ, ഡോ. ധന്യ വേലായുധൻ, വാഴക്കുളം മന്ന പൈനാപ്പിൾ ഏജൻസിസ് ഡയറക്ടർ സിബി ജോർജ്ജ്, ചാത്തമറ്റം ഗവൺമെൻറ് ഹയർ സെക്കൻഡറി സ്കൂൾ ഇംഗ്ലീഷ് അധ്യാപിക സിനി പി മുഹമ്മദ്, വ്യാപാരി സംഘടനാ പ്രതിനിധി ഷെറു മുകളേൽ, കൊല്ലപ്പള്ളി ഡെവലപ്പേഴ്സ് ഡയറക്ടർ കെ. കെ പ്രഭാകരൻ, പൊതുപ്രവർത്തകൻ മാത്യു നിരവത്ത്, അധ്യാപകൻ മുജീബ് റഹ്മാൻ എന്നിവരെ ആദരിച്ചു.
വൈക്കം മുഹമ്മദ് ബഷീർ മെമ്മോറിയൽ ലൈബ്രറി ആൻ്റ് സ്റ്റഡീസ് സെൻറർ പ്രസിഡൻറ് യൂസഫ് പല്ലാരിമംഗലം അധ്യക്ഷത വഹിച്ചു. ട്രഷറർ വി. ജി മധു മധു, ബോയ്സ് ടൗൺ പ്രൈവറ്റ് ഐ. ടി. ഐ. ഡയറക്ടർ ഫാ. സിജോ പനമൂട്ടിൽ സി. എസ്. ടി, പ്രിൻസിപ്പൽ എം.ജി. എൽദോ, വ്യാപാരി വ്യവസായി ഏകോപന സമിതി യൂത്ത് വിംഗ് നിയോജകമണ്ഡലം പ്രസിഡൻ്റ്പി. എം. ഷംജൽ, സ്റ്റാഫ് സെക്രട്ടറി ബാബു ജോൺ എന്നിവർ പ്രസംഗിച്ചു.
