പെരുമ്പാവൂര്: പെരുമ്പാവൂര് അശമന്നൂരിലെ പെരിയാര്വാലി കനാല് അപകടത്തില് മരണം മൂന്നായി. മണര്കാട് സ്വദേശി എമില് സുനില് കൂടി മരിച്ചതോടെയാണ് മരണസംഖ്യ മൂന്നായത്. കോതമംഗലത്തെ ആശുപത്രിയില് ചികിത്സയിലായിരുന്നു എമില്. ചൊവ്വാഴ്ചയാണ് അപകടം. പെരിയാല്വാലി കനാലില് കൂട്ടുകാര്ക്കൊപ്പം കുളിക്കുന്നതിനിടെ ഇവര് ഒഴുക്കില്പ്പെടുകയായിരുന്നു.
ചെറുകുന്നം കെഎംപി നഴ്സിംഗ് കോളജിലെ ആറു വിദ്യാര്ത്ഥികളാണ് സ്ഥലത്തെത്തിയത്. ഇതില് മൂന്നുപേര് കുളിക്കാനിറങ്ങുകയായിരുന്നു. ഷട്ടര് തുറന്ന സമയമായതിനാല് 10 അടിയോളം വെള്ളമുണ്ടായിരുന്നു. വെള്ളത്തിലേക്ക് ഇറങ്ങിയ വിദ്യാര്ത്ഥികള് മുങ്ങിപ്പോയി. നാട്ടുകാരും ഫയര്ഫോഴ്സ് ഉദ്യോഗസ്ഥരും ചേര്ന്നാണ് വിദ്യാര്ഥികളെ പുറത്തെടുത്തത്. രണ്ട് പേര് സംഭവസ്ഥലത്ത് വെച്ച് മരിച്ചിരുന്നു. എമിലിനെ കോതമംഗലത്തെ സ്വകാര്യ ആശുപത്രിയില് പ്രവേശിപ്പിക്കുകയായിരുന്നു.
