കോതമംഗലം: ചേലാട് പള്ളി ജംഗ്ഷനിലെ പ്രധാന റോഡ് നിരന്തര അപകട മേഖലയായി മാറിയ സാഹചര്യത്തില് അടിയന്തര പരിഹാര നടപടികള് സ്വീകരിക്കണമെന്ന് കേരള യൂത്ത് ഫ്രണ്ട് കോതമംഗലം നിയോജകമണ്ഡലം കമ്മിറ്റി. ജനഹിത സദസും, 500 പേരുടെ ഒപ്പ് ശേഖരണവും നടത്തി. മുന് മന്ത്രി കേരള കോണ്ഗ്രസ് വൈസ് ചെയര്മാന് ടി.യു. കുരുവിള ഉദ്ഘാടനം ചെയ്തു. പാര്ട്ടി ജില്ലാ പ്രിസിഡന്റ് ഷിബു തെക്കുംപുറം മുഖ്യ പ്രഭാഷണം നടത്തി. യൂത്ത് ഫ്രണ്ട് കോതമംഗലം നിയോജക-മണ്ഡലം പ്രിസിഡന്റ് ജോസഫ് കിരണ് അധ്യക്ഷത വഹിച്ചു.
വാഹനങ്ങളുടെ അതിവേഗം കുറയ്ക്കാന് ഡ്രൈവര്മാരെ നിര്ബന്ധിതമാക്കുന്ന നൂതന റബര് സ്പീഡ് ബ്രേക്കര് ഹംപ്, അല്ലെങ്കില് ടേബിള് ടോപ് സീബ്രാ ലൈനുകള് – അതിനോടൊപ്പം വേഗത നിയത്രണ ബോര്ഡുകളും ഇരുവശത്തും സ്ഥാപിക്കുന്നതിന് പൊതുമരാമത്ത് വകുപ്പും മോട്ടോര്വാഹന വകുപ്പും സംയുക്തമായി നടപടി സ്വീകരിക്കണമെന്ന് യോഗം അവശ്യപ്പെട്ടു.
പാര്ട്ടി നിയോജക മണ്ഡലം പ്രിസിഡന്റ് എ.ടി. പൗലോസ്, യൂത്ത് ഫ്രണ്ട് സംസ്ഥാന വൈസ് പ്രിസിഡന്റ് കെ. എം. ജോര്ജ്, ചേലാട് വലിയ പള്ളി സഹ വികാരി ഫാ. വര്ഗീസ് പുതുമനക്കുടിയില്, ബസ് അനിയാ പബ്ലിക് സ്കൂള് മാനേജര് എല്ദോസ് ഏലിയാസ്, നഗരസഭ കൗണ്സിലര് ലിസി പോള്, ബിജോഷ് പോള്, യൂത്ത് ഫ്രണ്ട് ജില്ലാ ജോയിന്റ് സെക്രട്ടറി രഞ്ജു ജേക്കബ്, പൗരസമിതി പ്രിതിനിധി എല്സണ് മത്തായി , വില്സണ് പുളിനാട്ട് , ജിബിന് എല്ദോസ് എന്നിവര് പ്രസംഗിച്ചു.
