കോതമംഗലം : ഇന്നലെ ഉണ്ടായ വേനൽ മഴയിലും കാറ്റിലും കനത്ത നാശ നഷ്ടം ഉണ്ടായ കവളങ്ങാട്, കീരംപാറ, കുട്ടമ്പുഴ എന്നീ പഞ്ചായത്തുകളിലെ വിവിധ പ്രദേശങ്ങൾ ആന്റണി ജോൺ എം എൽ എ സന്ദർശിച്ചു. ഉണ്ടായ നാശ നഷ്ടങ്ങൾക്ക് നഷ്ട പരിഹാരം നൽകുന്നതിനുള്ള നടപടികൾ വേഗത്തിലാക്കാൻ റവന്യൂ,കൃഷിവകുപ്പ് അധികൃതർക്ക് എം എൽ എ നിർദേശം നൽകി. പഞ്ചായത്ത്‌ മെമ്പർമാരായ ഷിബു പടപ്പറമ്പത്ത്, ടീന ടിനു,വി കെ വർഗീസ്, ആശ ജയപ്രകാശ്,സി പി ഐ എം ലോക്കൽ സെക്രട്ടറി കെ ഒ കുര്യാക്കോസ്,എം കെ സജീവ്,പി വി കുഞ്ഞപ്പൻ മാഷ്,റവന്യൂ,കൃഷി വകുപ്പ് ഉദ്യോഗസ്ഥരും എം എൽ എ യോടൊപ്പം ഉണ്ടായിരുന്നു.
