കോതമംഗലം : പോത്താനിക്കാട് ബീവ്റേജ് ഔട്ട് ലറ്റിന് സമീപം പാർക്ക് ചെയ്തിരുന്ന ബൈക്ക് മോഷ്ടിച്ചയാൾ പിടിയിൽ. ഏനാനല്ലൂർ കാവക്കാട് പുതുവേലിച്ചിറ വീട്ടിൽ അഭിലാഷ് (41) നെയാണ് പോത്താനിക്കാട് പോലീസ് അറസ്റ്റ് ചെയ്തത്. പോത്താനിക്കാട് സ്വദേശി ചാക്കോ എന്നയാളുടെ ബൈക്ക് മോഷ്ടിച്ച് കടന്നു കളഞ്ഞത്. തുടർന്ന് നടത്തിയ അന്വേഷണത്തിലാണ് പ്രതിയെ പിടികൂടുന്നത്. മോഷ്ടിച്ച ബൈക്കും കണ്ടെടുത്തു.
നിരവധി കേസുകളിൽ പ്രതിയാണ് ഇയാൾ. ഇൻസ്പെക്ടർ നോബിൾ മാനുവൽ , എസ്.ഐ മാരായ ജിയോ മാത്യു, രാജേഷ്, ആഷറഫ്, ഷാൽവി ആഗസ്റ്റിൻ, എസ്.സി.പി. ഒമാരായ സലിം, റോബിൻ, ദയേഷ്, ദീപു, ഫൈസൽ എന്നിവരാണ് അന്വേഷണ സംഘത്തിലുളളത്.
