പോത്താനിക്കാട്: മലങ്കര ഓര്‍ത്തഡോക്‌സ് സുറിയാനി സഭയുടെ നേതൃത്വത്തില്‍ പൈങ്ങോട്ടൂര്‍ പഞ്ചായത്തിലെ കടവൂരില്‍ ആരംഭിക്കുന്ന പ്രശോഭ സീനിയര്‍ സിറ്റിസണ്‍ ടൗണ്‍ഷിപ്പിന്റെ നിര്‍മാണ പ്രവര്‍ത്തനങ്ങളുടെ ഉദ്ഘാടനം ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവ നിര്‍വഹിച്ചു.
സഭാ അല്‍മായ ട്രസ്റ്റി റോണി വര്‍ഗീസ് അധ്യക്ഷത വഹിച്ചു. പൈങ്ങോട്ടൂര്‍ പഞ്ചായത്ത് പ്രസിഡന്റ് ഷെജി ജേക്കബ്, പഞ്ചായത്ത് വൈസ് പ്രസിഡന്റ് സിസി ജെയ്‌സണ്‍, വര്‍ക്കിംഗ് കമ്മിറ്റിയംഗം ഫാ. ജേക്കബ് കുര്യന്‍, കണ്ടനാട് വെസ്റ്റ് ഭദ്രാസന സെക്രട്ടറി ജോസ് തോമസ്, ഫാ. ഐസക് ചെനയപ്പിള്ളില്‍ കോര്‍എപ്പിസ്‌കോപ്പ, ഫാ. ഫിലിപ്പ് അരിമ്പാന്‍ചിറ കോര്‍എപ്പിസ്‌കോപ്പ, ഫാ. സി.എം. കുര്യാക്കോസ്, ഫാ. ജിതിന്‍ മാത്യൂ ഫിലിപ്പ്, ഫാ. ഡെന്നി ഡാനിയേല്‍, ഫാ. റോബിന്‍ കെ ജേക്കബ് എന്നിവര്‍ പങ്കെടുത്തു. മുതിര്‍ന്ന പൗരന്മാര്‍ക്ക് സുരക്ഷിതവും സൗകര്യപ്രദവുമായ താമസസൗകര്യവും മികച്ച പരിചരണവും ഒരുക്കുകയെന്ന ലക്ഷ്യത്തോടെയാണ് മലങ്കര ഓര്‍ത്തഡോക്‌സ് സുറിയാനി സഭ പ്രശോഭ സീനിയര്‍ സിറ്റിസണ്‍ ടൗണ്‍ഷിപ്പ് പദ്ധതി നടപ്പാക്കുന്നത്.
