പല്ലാരിമംഗലം : സി പി ഐ എം പല്ലാരിമംഗലം ലോക്കൽ കമ്മിറ്റി ആഫീസിനായി നിർമ്മിക്കുന്ന പുതിയ മന്ദിരമായ നായനാർ ഭവന്റെ നിർമ്മാണത്തിനായി കമ്മിറ്റി രൂപീകരിച്ചു. അടിവാട് വ്യാപാരഭവനിൽനടന്ന നിർമ്മാണ കമ്മിറ്റി രൂപീകരണയോഗം ഏരിയാസെക്രട്ടറി ഷാജി മുഹമ്മദ് ഉദ്ഘാടനം ചെയ്തു. ലോക്കൽ കമ്മിറ്റി സെക്രട്ടറി എം എം ബക്കർ അദ്ധ്യക്ഷത വഹിച്ചു. ഏരിയാകമ്മിറ്റി അംഗം കെ ബി മുഹമ്മദ്, ബ്ലോക്ക് പഞ്ചായത്ത് അംഗം ഒ ഇ അബ്ബാസ്, ലോക്കൽ കമ്മിറ്റിഅംഗം പി കെ മുഹമ്മദ് എന്നിവർ പ്രസംഗിച്ചു. നവംമ്പർ ഇരുപത്തിഒമ്പതാം തിയ്യതി വൈകുന്നേരം 5 മണിക്ക് ജില്ലാസെക്രട്ടറി സി എൻ മോഹനൻ പുതിയ മന്ദിരത്തിന് തറക്കല്ലിടും.

You must be logged in to post a comment Login