കോതമംഗലം : കോതമംഗലത്തു വീണ്ടും ബ്രൗൺ ഷുഗറുമായി അന്യ സംസ്ഥാന തൊഴിലാളി പിടിയിൽ.
എക്സ്സൈസ് വകുപ്പിന്റെ നേതൃത്വത്തിൽ സംസ്ഥാനതുടനീളം ഒരു മാസത്തെ NDPS സ്പെഷ്യൽ ഡ്രൈവ് നടക്കുനത്തിന്റെ ഭാഗമായി കോതമംഗലം എക്സ്സൈസ് സർക്കിൾ ഇൻസ്‌പെക്ടർ എ ജോസ് പ്രതാപിന്റെ നേതൃത്വത്തിൽ ഇന്ന് നടന്ന റെയ്‌ഡിൽ ആണ് അസം സ്വദേശി അനറുൽ ഹക്കിനെ (24) കോതമംഗലം ചേലാഡ് ഭാഗത്തു നിന്ന് 10 ഗ്രാം ഹെറോയിനുമായി അറസ്റ്റ് ചെയ്തത്.

കോതമംഗലം, പെരുമ്പാവൂർ, മൂവാറ്റുപുഴ ഭാഗങ്ങളിൻ കച്ചവടം നടത്തുന്നതിനിടയിൽ ആണ് ഇയാൾ പിടിയിൽ ആയതു. പെരുമ്പാവൂർ റൂം എടുത്തു വ്യാപകമായി മയക്കു മരുന്ന് വില്പന നടത്തുന്ന സംഘത്തിലെ പ്രധാനി ആണ് പിടിയിൽ ആയ അനറുൽ ഹക്കു. 56 കുപ്പികളിൽ ആയി ആണ് ഇയാൾ ഹെറോയിന് കൈവശം വന്നിരുന്നത്. 5 ഗ്രാംമിൽ കൂടുതൽ ഹെറോയിന് കൈവശം വയ്ക്കുന്നത് ജാമ്യം ലഭിക്കാത്തതും 10 വർഷം വരെ ശിക്ഷ കിട്ടാവുന്നതുമായ കുറ്റം ആണ്.

എക്സ്സൈസ് സംഘത്തിൽ സർക്കിൾ ഇൻസ്‌പെക്ടർ എ ജോസ് പ്രതാപിനൊപ്പം po K A നിയാസ്,AE സിദ്ധിക്ക്, സിഇഒ മാരായ k cഎൽദോ, MM നന്ദു, p v ബിജു,pt രാഹുൽ ഡ്രൈവർ ബിജു പോൾ എന്നിവർ റെയ്‌ഡിൽ പങ്കെടുത്തു.

കുറുപ്പംപടി: അഞ്ച് വയസുള്ള പെൺകുട്ടിയെ ലൈംഗികമായ ഉപദ്രവിച്ച പ്രതിയ്ക്ക് അറുപത് വർഷം തടവും അറുപതിനായിരം രൂപ പിഴയും. പെരുമ്പാവൂർ സ്വദേശി രതീഷ് (40) നെയാണ് പെരുമ്പാവൂർ അതിവേഗ കോടതി ശിക്ഷ വിധിച്ചത്. 2021 ജൂലൈയിലാണ് കേസിനാസ്പദമായ സംഭവം നടന്നത്. ഇൻസ്പെക്ടർ ആയിരുന്ന രാജേഷ് കെ മേനോൻ ആണ് കുറ്റപത്രം സമർപ്പിച്ചത്.

കോടനാട് ഇൻസ്പെക്ടർ ആയിരുന്ന സജി മാർക്കോസ്, എസ്.ഐ ടി.എൽ ജയൻ , എ.എസ്.ഐ എം.എസ് മനോജ്, സീനിയർ സിവിൽ പോലീസ് ഓഫീസർമാരായ ഷിജു. കെ വർഗീസ്, വിപിൻ വർക്കി, എൻ.പി ബിന്ദു, പി.എം ലൈലാലി, കെ.സി ജിബി തുടങ്ങിയവരും അന്വേഷണ സംഘത്തിലുണ്ടായിരുന്നു.പ്രോസിക്യൂഷന് വേണ്ടി എ.സിന്ധു ഹാജരായി.

മൂവാറ്റുപുഴ : മൂവാറ്റുപുഴയിൽ കഞ്ചാവുമായി രണ്ട് ആസ്സാം സ്വദേശികൾ അറസ്റ്റിൽ. ആസ്സാം മൊറിഗാവ് ലഹോറിഹട്ട് ഡൈത്തുൽബാരി ഭാഗത്ത്‌ ജാഹിറുൽ ഇസ്ലാം (21), മൊറിഗാവ് ദിനൻഖടി ജിയാജുൽ ഹഖ് (23) എന്നിവരെയാണ് മുവാറ്റുപുഴ പോലീസ് അറസ്റ്റ് ചെയ്തത്. മുവാറ്റുപുഴ കീച്ചേരിപടി ഭാഗത്ത് സൂര്യ കോംപ്ലക്സ് കെട്ടിടത്തിന് സമീപത്ത് വില്പനക്കായി എത്തിച്ച ഒന്നരകിലോയോളം വരുന്ന കഞ്ചാവാണ് ഇവരില്‍ നിന്നും പിടികൂടിയത്. എറണാകുളം റൂറൽ ജില്ല പോലീസ് മേധാവി വിവേക് കുമാറിന്‍റെ നിർദേശപ്രകാരം ലഹരിമരുന്ന് കച്ചവടം ചെയ്യുന്നവരെയും ഉപയോഗിക്കുന്നവരെയും പിടികൂടുന്നതിന് കര്‍ശനമായ പരിശോധനകളാണ് ജില്ലയില്‍ നടന്ന് വരുന്നത്.

പ്രതികളെ പിടികൂടിയ സംഘത്തിൽ മുവാറ്റുപുഴ പോലീസ് ഇൻസ്‌പെക്ടർ കെ.എൻ.രാജേഷ്‌, എസ്.ഐമാരായ സി.പി.ബഷീർ, മിൽക്കാസ് വർഗീസ്, ജിജോ, എ.എസ്.ഐ ദിലീപ്, സീനിയർ സിപിഒമാരായ ബേസിൽ സ്കറിയ, അബൂബക്കർ, ബിബിൽ, മുഹമ്മദ്‌ ഷെഹിൻ, മൊഹിയുദ്ധീൻ എന്നിവരാണ് ഉണ്ടായിരുന്നത്. പ്രതികളെ കോടതിയിൽ ഹാജരാക്കി റിമാൻഡ് ചെയ്തു. വരും ദിവസങ്ങളിലും കൂടുതൽ പരിശോധനകൾ നടത്തുമെന്ന് എസ്.പി അറിയിച്ചു.