Connect with us

Hi, what are you looking for?

NEWS

കോതമംഗലം വാട്ടർ അതോറിറ്റി ഓഫീസിന് മുന്നിൽ ഉപരോധ സമരം നടത്തി തൃക്കാരിയൂർ ഗ്രാമ വികസന സമിതി.

കോതമംഗലം: തൃക്കാരിയൂർ തടത്തിക്കവല-മുല്ലേക്കടവ് റോഡിൽ കുടിവെള്ള പൈപ്പ് പൊട്ടി വെള്ളം ഒഴുകാൻ തുടങ്ങിയിട്ട് മാസം മൂന്ന് കഴിഞ്ഞു. വാർഡ് മെമ്പറും, സമീപവാസികളും നിരവധി തവണ വാട്ടർ അതോറിറ്റി അധികാരികളെ വിഷയം ധരിപ്പിച്ചതാണ് . ഇന്ന് ശരിയാക്കാം, നാളെ ശരിയാക്കാം എന്ന് പറയുന്നതല്ലാതെ ഇന്നേവരെ പ്രശനം പരിഹരിക്കാതെ തികഞ്ഞ അവഗണനയാണ് അധികാരികളുടെ ഭാഗത്ത് നിന്നും ഉണ്ടായിക്കൊണ്ടിരിക്കുന്നത്. ആയിരക്കണക്കിന് ലിറ്റർ കുടിവെള്ളമാണ് പാഴായി പോകുന്നത്. പൈപ്പ് പൊട്ടി കുടിവെള്ളം 75മീറ്ററോളം ഒഴുകി റോഡിലുള്ള ചപ്പാത്തിൽ കെട്ടി കിടക്കുന്നത് വഴിയാത്രക്കാർക്ക് അതിലെ നടക്കാൻ ആവാത്ത സ്ഥിതിയാണ്. നിത്യേന നൂറ് കണക്കിന് വാഹങ്ങൾ പോകുന്ന റോഡാണിത്. വെള്ളക്കെട്ടിൽ വീണ് വാഹനങ്ങൾക്കും അപകടമുണ്ടാകുന്നുണ്ട്.

അധികാരികളുടെ തികഞ്ഞ അനാസ്ഥയിൽ പ്രതിഷേധിച്ചുകൊണ്ട് ഇന്ന് തൃക്കാരിയൂർ ഗ്രാമ വികസന സമിതി പ്രവർത്തകരുടെയും, വാർഡ് മെമ്പർ സനൽ പുത്തൻപുരയ്ക്കലിന്റെയും നേതൃത്വത്തിൽ കോതമംഗലത്തെ വാട്ടർ അതോറിറ്റി ഓഫീസിന് മുന്നിൽ ഉപരോധ സമരം നടത്തി. പണിക്കാരുടെയും, സാധന സാമഗ്രികളുടെയും ലഭ്യത കുറവുമാണ് നന്നാക്കാതിരിക്കാൻ കാരണമെന്ന മുടന്തൻ ന്യായമാണ് അധികാരികൾ പറയുന്നത്. എന്നാൽ ഉടനടി പ്രശ്നം പരിഹരിക്കണമെന്നും, ഇനിയും കാത്തിരിക്കാനാവില്ലെന്നും, ഇനിയും തിരിഞ്ഞു നോക്കാതിരുന്നാൽ വരും ദിവസങ്ങളിൽ കൂടുതൽ ജനങ്ങളെ അണിനിരത്തി ഓഫീസ് പൂർണ്ണമായി ഉപരോധിക്കുമെന്നും സമരക്കാർ പറഞ്ഞു.

എസ്റ്റിമേറ്റ് എടുക്കാൻ ഉടൻ ആളെ അയക്കാമെന്നും പൈപ്പ് ലൈൻ കേടുപാടുകൾ പരിഹരിക്കാനുള്ള സംവിധാനങ്ങൾ ഒരുക്കാമെന്നുമുള്ള ഉറപ്പ് ലഭിച്ചതിനെ തുടർന്നാണ് സമരക്കാർ മടങ്ങിയത്. തൃക്കാരിയൂർ ഗ്രാമവികസന സമിതി സെക്രട്ടറി പി ആർ സിജു, വിജിത് വിനോദ്, സന്ധ്യ സുനിൽകുമാർ, അഭിമന്യു വടക്കേക്കര എന്നിവരുടെ നേതൃത്വത്തിലാണ് സമരം സംഘടിപ്പിച്ചത്.

You May Also Like

NEWS

കോതമംഗലം : കോതമംഗലം താലൂക്കിലെ ഏക നാട്ടാനയായിരുന്ന തൃക്കാരിയൂർ ശിവനാരായണൻ ചരിഞ്ഞു. കേരളത്തിലെ തന്നെ നിരവധി പൂരങ്ങളിൽ ആണി നിരന്നിരുന്ന കൊമ്പന് ആരാധകരും ഏറെയാരുന്നു. തൃക്കാരിയൂർ കിഴക്കേമഠത്തിൽ സുദർശനകുമാറിന്റെ ഉടമസ്ഥതയിലുള്ള ആനയായിരുന്നു ശിവനാരായണൻ....

NEWS

കോതമംഗലം: കോതമംഗലം താലൂക്കിൽ മുഴുവൻ വീടുകളും സ്ഥാപനങ്ങളും കേന്ദ്രീകരിച്ചുള്ള ഡെങ്കിപ്പനി ബോധവൽക്കരണ പ്രവർത്തനങ്ങൾക്ക് തുടക്കമായി. താലൂക്കിന്റെ പല മേഖലകളിലും ഡെങ്കിപ്പനി കേസുകൾ റിപ്പോർട്ട് ചെയ്ത സാഹചര്യത്തിലാണ് വീടുകളും വ്യാപാരസ്ഥാപനങ്ങളിലും എത്തിയുള്ള ബോധവൽക്കരണ പ്രവർത്തനങ്ങൾ...

NEWS

കോതമംഗലം : തൃക്കാരിയൂർ മുല്ലേക്കാവ് ഭാഗത്ത്‌ തെരുവ് നായ്ക്കളിൽ കനൈൻ ഡിസ്റ്റംമ്പർ എന്ന വയറസ് ബാധ. തെരുവ് നായ്ക്കൾ നാക്ക് പുറത്തേക്ക് ഇട്ട് തല കുലിക്കി വിറച്ച് വിറച്ച് നടക്കുന്നു. ചില നായ്ക്കൾ...

CRIME

കോതമംഗലം : ഇരുചക്ര വാഹന മോഷ്ടാവ് അറസ്റ്റിൽ. തൃക്കാരിയൂർ തങ്കളം ജവഹർ കോളനി ഭാഗത്ത് വാടകയ്ക്ക് താമസിക്കുന്ന പിണ്ടിമന അടിയോടി കവല പുതുപ്പിലേടം വീട്ടിൽ അരവിന്ദ് (23) നെയാണ് കോതമംഗലം പോലീസ് അറസ്റ്റ്...