ആഡംബരക്കാറിൽ കഞ്ചാവ് കടത്തിയ മൂന്ന് യുവാക്കളെ എക്സൈസ് അറസ്റ്റ് ചെയ്തു.

കോതമംഗലം: കഞ്ചാവുമായി 3 യുവാക്കളെ എക്സൈസ് അറസ്റ്റ് ചെയ്തു. ഓണം സ്പെഷ്യൽ ഡ്രൈവിനോടനുബന്ധിച്ച് ബഹുമാനപ്പെട്ട എറണാകുളം എക്സൈസ് ഡെപ്യൂട്ടി കമ്മീഷണറുടെ നിർദ്ദേശാനുസരണം കൊച്ചി-ധനുഷ്കോടി ദേശീയപാതയിൽ കോതമംഗലം റെയിഞ്ച് എക്സൈസ് ഇൻസ്പെക്ടർ പി.ഇ.ഷൈബുവിൻ്റെ നേതൃത്വത്തിൽ കോതമംഗലം എക്സൈസ് സർക്കിൾ പാർട്ടിയും, റെയിഞ്ച് പാർട്ടിയും സംയുക്തമായി നടത്തിയ വാഹന പരിശോധനയിൽ ഊന്നുകൽ വെള്ളാമക്കുത്ത് ഭാഗത്ത് നിന്നും KL-68-A-8595 എന്ന രജിസ്റ്റർ നമ്പരോടു കൂടിയ Ford Ecosport Titanium കാറിൽ കടത്തി കൊണ്ടുവരികയായിരുന്ന 95 ഗ്രാം കഞ്ചാവുമായി 3 യുവാക്കളെ അറസ്റ്റ് ചെയ്തു.

ഇടുക്കി അടിമാലി സ്വദേശികളായ കാനത്തിൽ എബിൻ (26 വയസ്സ്), നാരകത്തറയിൽ ബോണി (30 വയസ്സ്), അറയ്ക്കൽ ആദിൽ (26 വയസ്സ്) എന്നിവരാണ് പിടിയിലായത്. എക്സൈസ് സംഘത്തിൽ ഇൻസ്പെക്ടറെ കൂടാതെ പ്രിവൻ്റീവ് ഓഫീസർമാരായ പി.പി.ഹസൈനാർ, എം.എ.യൂസഫലി, സിവിൽ എക്സൈസ് ഓഫീസർമാരായ പി.ബി.ലിബു, ബേസിൽ കെ. തോമസ്, എക്സൈസ് ഡ്രൈവർ എം.സി.ജയൻ എന്നിവരും ഉണ്ടായിരുന്നു.