കോതമംഗലം: സംസ്ഥാന സർക്കാർ പ്രഖ്യാപിച്ച സൗജന്യ ഭക്ഷ്യധാന്യ കിറ്റ് വിതരണം കോതമംഗലം താലൂക്കിൽ ആരംഭിച്ചിച്ചു. റേഷൻ കടകൾ മുഖേന നൽകുന്ന ഭക്ഷ്യക്കിറ്റ് വിതരണം കുട്ടമ്പുഴ പഞ്ചായത്തിലെ ഉരുളൻതണ്ണി റേഷൻ ഡിപ്പോയിൽ ആദിവാസി സമൂഹത്തിന് വിതരണം ചെയ്തു കൊണ്ട് ആൻറണി ജോൺ MLA തുടക്കം കുറിച്ചു . താലൂക്കിലെ മുഴുവൻ റേഷൻ കടകളിലേക്കുള്ള ഭക്ഷ്യധാന്യ കിറ്റ് തയ്യാറാക്കുന്ന പ്രവർത്തനം വിവിധ കേന്ദ്രങ്ങളിൽ പുരോഗമിച്ചു വരികയാണ് നാലു ഘട്ടമായി അന്ത്യോദയ അന്നയോജന, മുൻഗണന, സബ്സിഡി, മുൻഗണന ഇതര കാര്ഡുകൾ എന്ന ക്രമത്തിൽ ഈ മാസം 30 ന് അകം കിറ്റ് വിതരണം പൂർത്തീകരിക്കും. താലൂക്കിൽ വിവിധ റേഷൻ കേന്ദ്രങ്ങളിലായി 65959 കുടുംബങ്ങൾക്കാണ് കിറ്റ് വിതരണം ചെയ്യുന്നതെന്ന് MLA പറഞ്ഞു.
കഴിഞ്ഞ ദിവങ്ങളിൽ നടന്ന സൗജന്യ റേഷൻ വിതരണം കോതമംഗലം താലൂക്കിൽ ഇത് വരെ 92 ശതമാനം പൂർത്തീകരിച്ചതായും ഏപ്രിൽ 21 മുതൽ അന്ത്യോദയഅന്നയോജന, മുൻഗണന കാർഡ് ഉടമകൾക്ക് ഓരോ അംഗത്തിനും 5 കിലോഗ്രാം വീതം സൗജന്യ റേഷൻ വിതരണവും ആരംഭിക്കുമെന്നും MLA അറിയിച്ചു.
