കോതമംഗലം: കോഴിപ്പിള്ളി ആരാധനാ റസിഡന്റ്സ് അസോസിയേഷന് കീഴിൽ പ്രവർത്തിക്കുന്ന ആരാധനാ കൃഷി സമൃദ്ധി സ്വയം സഹായ സംഘം തരിശ് സ്ഥലത്ത് നടത്തിയ പച്ചക്കറി കൃഷിയുടെ വിളവെടുപ്പുത്സവം നടത്തി. വള്ളി, കുറ്റി പയറുകൾ വെണ്ട ഇവയുടെ വിളവെടുപ്പാണ് നടന്നത്. ജൈവ രീതിയിൽ നടത്തിയ കൃഷിയുടെ മുഴുവൻ പ്രവൃത്തികളും സംഘത്തിലെ അംഗങ്ങളാണ് നടത്തിയത്. കുക്കുംബർ, വഴുതന, തക്കാളി, മുളക്, വെണ്ട, പാവൽ എന്നിവയും കൃഷി ചെയ്തിട്ടുണ്ട്.
വിളവെടുപ്പ് വാരപ്പെട്ടി പഞ്ചായത്ത് പ്രസിഡൻ്റ് സംഗീത പ്രതീഷ് ഉദ്ഘാടനംനിർവഹിച്ചു. കൃഷി സമൃദ്ധി സ്വയം സഹായ സംഘം പ്രസിഡന്റ് പൗലോസ് ചേറ്റൂർ അധ്യക്ഷത വഹിച്ചു.വാർഡ് മെമ്പർ എൻ. വി ബിനോയ്, വാരപ്പെട്ടി കൃഷി ഓഫീസർ സൗമ്യ സണ്ണി, സെക്രട്ടറി ഷാജു കല്യാടിക്കൽ,. റസിഡന്റ്സ് അസോസിയേഷൻ പ്രസിഡന്റ് ബാബു മാലിയിൽ, സെക്രട്ടറി ഡോ. ഷിബു പതിക്കാട്ടിൽ, ട്രഷറർ ജോബി കുന്നപ്പിള്ളിൽ, പയസ് പനച്ചിക്കുടിയിൽ എന്നിവർ പ്രസംഗിച്ചു.
