കോതമംഗലം: 2026 – 27 കോതമംഗലം ഉപജില്ല വിദ്യാരംഗം കലാസാഹിത്യ വേദി സർഗോത്സവം പല്ലാരിമംഗലം ഗവൺമെൻറ് വൊക്കേഷൻ ഹയർ സെക്കൻഡറി സ്കൂളിൽ നടത്തി. നാടൻ പാട്ട് ,കഥകൂട്ടം,കവിത കൂട്ടം,വരക്കൂട്ടം,കാവ്യാലാപനം,പുസ്തകാസ്വാദനം,അഭിനയം എന്നീ ഇനങ്ങളിൽ ആണ് ശില്പശാലയും മത്സരങ്ങളും സംഘടിപ്പിച്ചത്. കോതമംഗലം ഉപജില്ലയിലുള്ള സ്കൂളുകളിലെ വിദ്യാർത്ഥികൾ മത്സരത്തിൽ പങ്കെടുത്തു. എറണാകുളം ജില്ലാ പഞ്ചായത്ത് അംഗം ജോമി തെക്കേക്കര അധ്യക്ഷത വഹിച്ചു. സമാപന സമ്മേളനം ഷിബു തെക്കുംപുറം എംഎൽഎ ഉദ്ഘാടനം നിർവഹിച്ചു. ബ്ലോക്ക് പഞ്ചായത്ത് അംഗം രാജേഷ് കുഞ്ഞുമോൻ, പഞ്ചായത്ത് അംഗം നിസാമോൾ ഇസ്മായിൽ, പിടിഎ പ്രസിഡൻറ് എം. നൗഫൽ, എസ് എം സി ചെയർമാൻ പി. റഷീദ്, ഹൈസ്കൂൾ ഹെഡ്മാസ്റ്റർ സി. പ്രിയ പ്രിൻസിപ്പൽമാരായ സരിത സമദ് ,സുനിത രമേശ് എന്നിവർ പ്രസംഗിച്ചു . വിജയികൾക്ക് സർട്ടിഫിക്കറ്റും,സമ്മാനങ്ങളും വിതരണം ചെയ്തു.























































