മൂവാറ്റുപുഴ: കൊച്ചി – ധനുഷ്കോടി ദേശീയപാതയില് ലോറിയിലേക്ക് സ്കൂട്ടര് ഇടിച്ചു കയറിണ്ടായ അപകടത്തില് വിദ്യാര്ത്ഥിക്ക് ദാരുണാന്ത്യം. തിങ്കളാഴ്ച രാവിലെ 7.30 ഓടെ പെരുവംമൂഴി ജംഗ്ഷനിലുണ്ടായ അപകടത്തില് പുത്തന്കുരിശ് മുത്തൂറ്റ് കോളേജ് ബിടെക് നാലാം വര്ഷ വിദ്യാര്ത്ഥിയായ തൊടുപുഴ മടക്കത്താനം സ്വദേശി ശിവനിവാസ് രാഹുല് (21) ആണ് മരിച്ചത്.
ഒപ്പമുണ്ടായിരുന്ന സുഹൃത്ത് ജൂലിയന് ജോസഫ് (21) ന് അപകടത്തില് ഗുരുതരമായി പരിക്കേറ്റു. ഇരുവരെയും കോലഞ്ചേരി മെഡിക്കല് കോളേജില് പ്രവേശിപ്പിച്ചെങ്കിലും രാഹുലിന്റെ ജീവന് രക്ഷിക്കാനായില്ല. വിദ്യാര്ത്ഥികള് സഞ്ചരിച്ചിരുന്ന സ്കൂട്ടര് മുന്നിലുണ്ടായിരുന്ന കാറിനെ മറികടക്കുന്നതിനിടെ കാറില് തട്ടുകയും, നിയന്ത്രണം നഷ്ടപ്പെട്ട സ്കൂട്ടറില് നിന്നും റോഡിലേക്ക് തെറിച്ചുവീണ രാഹുലിന്റെ തലയിലൂടെ എതിര് ദിശയില് വന്ന ലോറിയുടെ ചക്രങ്ങള് കയറിയിറങ്ങുകയായിരുന്നു. മൂവാറ്റുപുഴ പോലീസും ഫയര്ഫോഴ്സും സ്ഥലത്തെത്തി മേല്നടപടികള് സ്വീകരിച്ചു. രാഹുലിന്റെ മൃതദേഹം പോസ്റ്റ്മോര്ട്ടത്തിന് ശേഷം ബന്ധുക്കള്ക്ക് വിട്ടു നല്കും.
