കോതമംഗലം: സമൃദ്ധിയുടെ സന്ദേശവുമായി ഒരു വിഷുക്കാലംകൂടി വന്നെത്തിയതോടെ നാടും, നഗരവും, വിപണിയും ഒരുങ്ങിക്കഴിഞ്ഞു.കണിവെള്ളരിയും കണിക്കൊന്നയും മുതല് പുത്തന് വസ്ത്രങ്ങളും പടക്കങ്ങളും വരെ വിപണിയില് നിരന്നതോടെ വലിയ തിരക്കാണ് കോതമഗലത്തെ വ്യാപാരസ്ഥാപനങ്ങളില് ഇന്ന് അനുഭവപ്പെട്ടത്.
വിഷുവെ വരവേല്ക്കാനുള്ള അഴസാന വട്ട ഒരുക്കത്തില് മഞ്ഞയും പച്ചയും കലര്ന്ന കണിവെള്ളരികള്ക്കും, സദ്യയിലെ പ്രധാന താരങ്ങളായ തക്കാളി, ക്യാരറ്റ്, മുരിങ്ങ തുടങ്ങിയവക്കും, കണികാണാനുള്ള ശ്രീകൃഷ്ണ വിഗ്രഹങ്ങള്ക്കും ആവശ്യക്കാരേറെയായിരുന്നു. വിഷു പുലരിയെ വരവേല്ക്കാന് മണിക്കൂറുകള് മാത്രം ബാക്കിനില്ക്കെ ഐശ്വര്യത്തിന്റെയും സമൃദ്ധിയുടെയും പ്രതീകമായ കണിക്കൊന്നപ്പൂക്കളാല് കോതമംഗലം നഗരം മഞ്ഞപ്പട്ടുടുത്തു. പാതയോരങ്ങളിലും നഗരത്തിലെ ജംഗ്ഷനുകളിലും കണിക്കൊന്ന വില്പന സജീവമായിരിന്നു.
കാലാവസ്ഥാ വ്യതിയാനം മൂലം പൂക്കളുടെ ലഭ്യതയില് കുറവുണ്ടായതും ഒരു കെട്ട് പൂവിന് 50 രൂപയായി വില വര്ധിച്ചതും വിപണിയെ ബാധിച്ചിട്ടില്ല. വിഷുക്കണി ഒരുക്കുന്നതിന് ഒഴിച്ചുകൂടാനാകാത്ത കണിക്കൊന്നയ്ക്കൊപ്പം കണിവെള്ളരി, ചക്ക, മാങ്ങ തുടങ്ങിയവ വാങ്ങാനും വിപണിയില് വലിയ തിരക്കാണ് അനുഭവപ്പെട്ടത്. വിഷുക്കണിയും, സദ്യയുമൊക്കെ ഒരുക്കി വിഷുവിനെ വരവേല്ക്കാന് കോതമംഗലം ഒരുങ്ങിക്കഴിഞ്ഞു.
